بانی کی رہائی کا مقصد اتنا بڑا ہے ، معمولی اختلافات کوئی معنی نہیں رکھتے ،عاطف خان

(منظور حسین)تحریک انصاف کے مرکزی رہنما عاطف خان نے کہاہے کہ 24 نومبر کے احتجاج کے حوالے سے عمران خان کا پیغام بشریٰ بی بی کے ذریعے ملا ہے ، بانی کا کہنا ہے کہ عاطف احتجاج کیلئے اس طرح کی تیاری کرے جس طرح جلسوں کیلئے کرتے تھے ۔

مردان میں میڈیا سے گفتگو کرتے ہوئے عاطف خان نے کہا کہ گنڈاپور کی قیادت میں جانے میں کوئی عار نہیں ، اختلافات کسی سے بھی ہوسکتے ہیں ،بانی کی رہائی کا مقصد اتنا بڑا ہے ، معمولی اختلافات کوئی معنی نہیں رکھتے ، خان کی رہائی پر کوئی اختلاف نہیں ،پی ٹی آئی رہنما کاکہناتھا کہ اپنے گلے شکوے پارٹی فورم پر کرتا ہوں میڈیا پر ڈسکس کرنا مناسب نہیں سمجھتا ، تمام تر فوکس 24 نومبر کے احتجاج پر ہے آپس کے اختلافات چلتے رہیں گے ، ان کاکہناتھا کہ بانی نے جیل سے پیغام بھیجا ہے کہ آپ کو ملنے والے نوٹسز کا معاملہ خود دیکھوں گا ۔

عاطف خان نےکہاکہ مذاکرات ہوتے رہتے ہیں اگر واضح نتیجہ نکلتا ہے تو ٹھیک ، صرف بات چیت برائے بات نہیں ہوگی احتجاج اس وقت تک موخر نہیں کریں گے جب تک بانی کا حکم نہیں آتا ۔

یہ بھی پڑھیں:پی ٹی آئی سے کوئی مذاکرات نہیں ہو رہے: وزیر داخلہ