(حاشراحسن) مخصوص نشتوں کے فیصلے پر چیف جسٹس قاضی فائز عیسی نے 14 ستمبر اکثریتی جج کی وضاحت پر9سوالوں کاجواب مانگ لیا۔
ذرائع کے مطابق چیف جسٹس قاضی فائز عیسی نے رجسٹرار سپریم کورٹ جزیلہ اسلم سے جواب طلب کیے،چیف جسٹس قاضی فائز عیسیٰ نے سوال کیا ہے کہ الیکشن کمیشن اور تحریک انصاف نے وضاحت کی درخواست کب دائر کی ،تحریک انصاف اور الیکشن کمیشن کی درخواستیں پریکٹس پروسیجر کمیٹی میں کیوں نہیں بھیجی گئی،متفرق درخواستیں کاز لسٹ کے بغیر کیسے سماعت فکس ہوئی۔
چیف جسٹس نے یہ بھی سوال کی اہے کہ کیا رجسٹرار آفس نے متعلقہ فریقین اور اٹارنی جنرل کو نوٹس جاری کیا،کس کمرہ عدالت یا چیمبر میں درخواستوں کو سنا گیا،درخواستوں پر فیصلہ سنانے کیلئے کاز لسٹ کیوں جاری نہیں کی گئی۔
چیف جسٹس نے سوال کیا ہے کہ آرڈر کو سنانے کیلئے کمرہ عدالت میں فکس کیوں نہ کیا گیا ،اوریجنل فائل اور آرڈر سپریم کورٹ رجسٹرار میں جمع ہوئے بغیر آرڈر کیسے اپلوڈ ہوا،آرڈر کو سپریم کورٹ ویب سائٹس پر اپلوڈ کرنے کا آرڈر کس نے کیا۔
یہ بھی پڑھیں: بشریٰ بی بی کا خفیہ مقدمات میں گرفتاری رکوانے کیلئے عدالت سے رجوع