مقبوضہ کشمیر میں فائرنگ سے 25 سیاح ہلاک،متعدد زخمی

(احمد منصور)مقبوضہ جموں کشمیر کے سیاحتی مقام پہلگام میں فائرنگ سے 25 سیاح ہلاک ہوگئے ، واقعے میں متعدد افراد زخمی ہوئے  ہیں۔

میڈیا رپورٹس کے مطابق ہلاکتوں میں اضافے کا خدشہ بتایا جا رہاہے،زخمی افراد کو مقامی ہسپتال میں منتقل کر دیا گیا ہے۔

 مقبوضہ کشمیر کے وزیراعلیٰ عمر عبداللہ نے واقعے پر افسوس کا اظہار کرتے ہوئے کہا ہے کہ فائرنگ کا واقعہ کئی سال بعد شہریوں پر بڑا حملہ ہے۔

ذرائع کے مطابق ہندوستانی میڈیا اور بالخصوص را سے جڑے سوشل میڈیا اکاؤنٹس نے حملے کے فوری بعد پاکستان کے خلاف زہر اُگلنا شروع کر دیا،حملے میں مذہب کا استعمال کرتے ہوئے غیر مسلموں کو نشانہ بنانے کا ڈرامہ بھی کیا گیا۔
ذرائع کے مطابق بھارت روایتی طور پر کسی غیر ملکی سربراہ کے دورے  یا اہم موقع پر، فالس فلیگ کا ڈرامہ رچا کر  دنیا کی توجہ مقبوضہ کشمیر میں  بھارتی حکومت کے قابو سے باہر سیکورٹی حالات سے  ہٹانا چاہتا ہے۔

یہ محظ اتفاق نہیں کہ مقبوضہ کشمیر میں سیاحوں پر مُبیّنہ حملہ اُس وقت کیا گیا جب امریکی نائب صدر بھی ہندوستان کا دورہ کر رہے ہیں۔

اس سے پہلے بھی مودی حلومت سیاسی فائدہ  حاصل کرنے  اور اپنی ناکامیوں پر پردہ ڈالنے کے لئے متعدد بار فالس فلیگ آپریشن کا ڈرامہ رچاتی رہی ہے، بھارتی حکومت اور  بھارتی فوج مقبوضہ کشمیر میں اپنی ظالمانہ پالیسیوں کی بدولت مکمل طور پر ناکام ہو چکی ہیں۔

یہ بھی پڑھیں :پنجاب اسمبلی نے نواز شریف کینسر ہسپتال کے بل کی منظوری دے دی