ملکہ کوہسارمیں بجلی کا بریک ڈاؤن،شہرتاریکی میں ڈوب گیا

(ویب ڈیسک)ملکہ کوہسار مری میں بجلی کے بریک ڈاؤن کے نتیجے میں شہرتاریکی میں ڈوب گیا۔

میڈیا رپورٹس کے 132 کےوی کی مین لائن ٹرپ کرنے سے مال روڈ،جھیکاگلی، بھوربن،ایکسپریس وے سمیت مری کے دیگر علاقوں میں بجلی بند ہوگئی،بجلی کی بندش کے باعث سیاحوں اور مقامی لوگوں کومشکلات کا سامنا کرناپڑا ہے۔

واپڈا حکام کے مطابق  132 کےوی کی مین لائن ٹرپ کر گئی ہے،عملہ فیلڈ میں کام کررہاہے، بجلی بحال ہونےمیں وقت لگ سکتاہے۔

یہ بھی پڑھیں:کل سے سول نافرمانی کی مرحلہ وار تحریک شروع ہو گی: شیخ وقاص اکرم

دوسری جانب گوادر کے گرڈ اسٹیشن میں بھی فنی خرابی کے باعث شہر کو بجلی کی فراہمی معطل ہوگئی،گوادر گرڈ سے منسلک سربندن اور نگور کے علاقے بھی تاریکی میں ڈوب گئے ۔

کیسکو حکام کے مطابق گرڈ اسٹیشن کا فالٹ دور کرنے کے لیے تربت سے ٹیکنیشن طلب کرلیے گئے ہیں،بجلی کی بندش کے باعث شہریوں کو شدید مشکلات کا سامنا ہے۔