روبینہ اشرف کی ایک بات نے میری زندگی بدل دی: ندا یاسرکاانکشاف
Stay tuned with 24 News HD Android App
(ویب ڈیسک)معروف میزبان ندا یاسر نے کہاہے کہ سینئراداکارہ روبینہ اشرف کی ایک بات نے میری زندگی بدل دی۔
ندا یاسر نے حال ہی میں خواتین کو اپنا خیال، دیکھ بھال اور خوشیوں کو اہمیت دینے کا مشورہ دیا ہے۔
اداکارہ نے بتایا کہ مجھے ایک بار معروف سینئر اداکارہ و ہدایت کارہ روبینہ اشرف نے اپنے ایک ڈرامے کی آفر کی، ان دنوں میں اپنا خیال رکھنا چھوڑ چکی تھی، میرا وزن زیادہ تھا، بال اور جِلد خراب تھی، میں نے اپنا خیال رکھنا چھوڑ کر مکمل توجہ اپنے خاندان پر مرکوز کی ہوئی تھی۔
ندا یاسر نے انکشاف کیا کہ مجھے روبینہ اشرف نے یہ بات سمجھائی کہ جب تک میں خود خوش نہیں رہوں گی اور اپنا خیال نہیں رکھوں گی، میرے گھر کے افراد خوش نہیں رہ سکتے۔
یہ بھی پڑھیں:یزویندرا سے طلاق کے بعد دھناشری ورمانے 60کروڑ نہیں مانگے،خاندان کی وضاحت
اداکارہ نے خواتین کو مخاطب کرتے ہوئے کہا کہ یاد رکھیں، گھر کا محور ایک عورت ہے، جب تک گھر کی عورت خوش نہیں رہے گی، گھر کے افراد بھی خوش نہیں رہیں گے،جو خاتون خوش ہو گی، اپنی زندگی جیے گی، اس کے گھر والے بھی خوش رہیں گے اور اپنی زندگی سے محظوظ ہوں گے۔