ماہرہ خان کی شوہر سلیم کریم کے ہمراہ ڈانس ویڈیوز وائرل
Stay tuned with 24 News HD Android App
(ویب ڈیسک)معروف اداکارہ ماہرہ خان کی شوہر سلیم کریم کے ہمراہ بھارتی گانوں پر شادی کی تقریب میں ڈانس کرنے کی ویڈیوز وائرل ہوگئیں۔
ماہرہ خان کو وائرل ہونے والی مختصر ویڈیوز میں "انار کلی ڈسکو چلی"سمیت دیگر بھارتی گانوں پر رقص کرتے ہوئے دیکھا جا سکتا ہے۔
مختصر ویڈیوز میں سے ایک ویڈیو میں شوہر سلیم کریم بھی ماہرہ خان کے ہمراہ ڈانس کرتے دکھائی دیتے ہیں، وائرل ہونے والی مذکورہ ویڈیوز ماڈل سکندر رضوی کی شادی کی تقریب کی ہیں۔
سکندر رضوی نے گزشتہ برس نکاح کیا تھا اور حال ہی میں ان کی شادی کی تقریبات کی ویڈیوز سامنے آئی ہیں جو دیکھتے ہی دیکھتے وائرل ہوگئیں۔
شادی کی تقریب کی ایک ویڈیو میں دلہا سکندر رضوی کو اداکار علی رحمٰن کے ہمراہ بھی ڈانس کرتے ہوئے دیکھا جا سکتا ہے۔
شادی کی تقریبات میں ماہرہ خان نے بھی شوہر کے ہمراہ ڈانس کیا اور ان کی ویڈیوز پر سوشل میڈیا صارفین نے دلچسپ تبصرے بھی کیے ہیں۔
یہ بھی پڑھیں:کبریٰ خان اور گوہر رشید کی شیندی کی ویڈیوسوشل میڈیاپروائرل
سوشل میڈیا صارفین نے ماہرہ خان کی ڈانس ویڈیوز پر نہ صرف اداکارہ بلکہ ان کے شوہر کو بھی آڑے ہاتھوں لیتے ہوئے ان کے لیے نامناسب الفاظ استعمال کئے ہیں،انہوں نے ماہرہ خان پر الزام عائد کیا کہ انہوں نے اچھے بھلے کاروباری شخص کو بھی ڈانس کرنے پر مجبور کردیا۔
سوشل میڈیا صارفین کی جانب سے تنقیدکے ساتھ ساتھ سپرسٹاراداکارہ کے بعض مداحوں نے ان کی خوب صورتی اور لباس کی تعریفیں بھی کی ہیں۔