آئی سی سی کی چیمیئنز ٹرافی میں غلطیوں پر غلطیاں، پی سی بی نے وضاحت طلب کرلی

(24نیوز) پاکستان میں جاری انٹرنیشنل کرکٹ کونسل ( آئی سی سی ) چیمپئنز ٹرافی 2025 کے دوران انٹرنیشنل کرکٹ کونسل کی جانب سے غلطیوں کا سلسلہ تھم نہیں رہا۔

  آسٹریلیا اور انگلینڈ کے درمیان  میچ میں آئی سی سی نے ڈی جے کو ترانوں کی غلط پلے لسٹ فراہم کی جس کی وجہ سے آسٹریلیا کے ترانے کی بجائے دوسرے ملک کا ترانہ بجنا شروع ہو گیا اور پھر اچانک بند کر دیا گیا،اس غلطی سے دونوں ٹیموں کے ترانے وقت پر نہ بج سکے جسے پروٹوکول کی سنگین خلاف ورزی قرار دیا جا رہا ہے۔

اس سے قبل دبئی میں بھارت اور بنگلہ دیش کے میچ کے دوران براڈکاسٹ لوگو سے میزبان ملک پاکستان کا نام غائب تھا جس پر آئی سی سی نے معافی مانگتے ہوئے اسے تکنیکی غلطی قرار دیا تھاتاہم ان مسلسل ناکامیوں سے پاکستان کرکٹ بورڈ ( پی سی بی ) سخت نالاں ہے اور اس نے آئی سی سی سے تحریری وضاحت طلب کر لی ہے۔

ذرائع کے مطابق پی سی بی کو ترانوں کی غلطی پر آئی سی سی کا سرکاری جواب ابھی تک موصول نہیں ہوا جبکہ شائقین بھی سوشل میڈیا پر آئی سی سی کے غیر پیشہ ورانہ رویے پر تنقید کر رہے ہیں اور مطالبہ کر رہے ہیں کہ مستقبل میں ایسی غلطیوں سے بچا جائے۔

یہ بھی پڑھیں : دبئی کی کنڈیشنز سے واقف ہیں،بھارت کیخلاف 5-4 سپنرز کھلانے کا پلان ہے،عاقب جاوید