پاکستان سمیت دنیا بھر میں پانی کا عالمی دن آج منایا جا رہا ہے
![پانی انسان کیلئے زندگی ہے مگر افسوس کہ پانی کو ضائع کر کے غفلت کے ہاتھوں انسان اپنی ہی زندگی سے کھیل رہا ہے، اسی صورتحال کو اجاگر کرنے اور پانی کے بچاؤ کیلئے پاکستان سمیت دنیا بھر میں آج 22 مارچ کو’’ورلڈ واٹرڈے‘‘ منایا جا رہا ہے۔](https://www.24urdu.com/digital_images/large/2024-03-22/news-1711078823-2101.jpg)
Stay tuned with 24 News HD Android App
![Get it on Google Play](https://play.google.com/intl/en_us/badges/static/images/badges/en_badge_web_generic.png)
(24نیوز) پانی انسان کیلئے زندگی ہے مگر افسوس کہ پانی کو ضائع کر کے غفلت کے ہاتھوں انسان اپنی ہی زندگی سے کھیل رہا ہے، اسی صورتحال کو اجاگر کرنے اور پانی کے بچاؤ کیلئے پاکستان سمیت دنیا بھر میں آج 22 مارچ کو’’ورلڈ واٹرڈے‘‘ منایا جا رہا ہے۔
تفصیلات کے مطابق قحط اور خشک سالی کی دستک با آواز بلند سنائی دینے لگی، پانی کی شدید کمی کا سامنا کرنے والے ممالک کی فہرست میں پاکستان تیسرے نمبر پر آگیا ہے، حالات یہی رہے تو 2025 کے اختتام تک ہمارا ملک پانی کی مکمل قلت والا ملک بن جائے گا۔ قیام پاکستان کے وقت ملک میں پانی کی دستیابی 5ہزار کیوبک میٹر فی کس تھی جو آج ایک ہزار کیوبک میٹر سے بھی کم رہ گئی ہے، پوری دنیا میں پانی ذخیرہ کرنے کی اوسط شرح 40 فیصد ہے اور ہم اپنے دریائی پانی کا صرف 10 فیصد حصہ ہی ذخیرہ کر پاتے ہیں۔
دریائی پانی کی کمی کے باعث ہماری زراعت کا زیادہ انحصار زیر زمین پانی پر ہی باقی رہ جاتا ہے جس کا بے دریغ استعمال کیا جا رہا ہے، ستم یہ ہے کہ ہم زمین سے جتنا پانی لیتے ہیں اُس کی انتہائی کم مقدار زمین کو واپس کرتے ہیں، یوں سمجھ لیجئے کہ ہم زمین کو پانی واپس لوٹانے کے معاملے میں دنیا بھر میں 164 ویں نمبر پر ہیں۔
مزید پڑھیں: بھارتی ماہی گیروں کی پاکستانی حدود کی خلاف ورزی، کارروائی کے دوران پاکستان میری ٹائم کا جوان شہید
صورتحال یہ ہو چکی کہ ملک کے بڑے شہروں میں بھی پانی کی کمی بڑھتی چلی جا رہی ہے جس کی ایک مثال لاہور ہے، پینے کے پانی کو زمین سے نکالنے کیلئے 30 سال قبل جو بور 200 فٹ تک کرنا پڑتا تھا اب وہ 800 فٹ پر میسر آتا ہے، قصہ مختصر یہ ہے کہ جمع تفریق اپنی جگہ لیکن پانی کی کمی کے حوالے سے حالات سنگین صورت اختیار کرچکے ہیں۔