شراب نوشی کی ویڈیو وائرل ہونے پر معروف اداکار کو شدید تنقید کا سامنا

(ویب ڈیسک)معروف بھارتی اداکار رضا مراد کو شراب نوشی کی ایک ویڈیو وائرل ہونے کے بعد سوشل میڈیا پر شدید تنقید کا سامنا کرنا پڑ رہا ہے۔

 بھارتی میڈیا کی رپورٹ کے مطابق رضا مراد کی ایک ویڈیو سوشل میڈیا پر وائرل ہوئی ہے جس میں انہیں چند لوگوں کے ساتھ شراب نوشی کرتے اور جشن مناتے دیکھا جاسکتاہے۔

ویڈیو سوشل میڈیا پروائرل ہونے کے بعد سوشل میڈیا صارفین نے انہیں آڑے ہاتھوں لیتے ہوئے خوب تنقید کانشانہ بنایاہے۔

تاہم اب ویڈیو کے کمنٹ سیکشن میں رضا مراد نے واضح کیاہے کہ مذکورہ ویڈیو دہلی میں شوٹنگ سیٹ کی ہے اور یہ فلم کا ایک سین ہے، انہوں نے شراب نوشی نہیں کر رکھی بلکہ وہ اپنے کردار میں ہیں۔

رضا مراد نے کہا کہ ویڈیو میں جشن ان کے کردار کی سالگرہ کے لیے تھا، ان کی اپنی نہیں اور ان کی سالگرہ نومبر میں آتی ہے،براہ کرم یہ نہ سوچیں کہ سالگرہ کی تقریب یا کسی طرح کی پارٹی چل رہی ہے۔ وائرل فوٹیج فلم کے ایک سین کی ہے، جسے کچھ دن پہلے چھتر پور دہلی میں شوٹ کیا گیا تھا،ان مناظر میں، میرے کردار کی سالگرہ منائی جا رہی ہے۔

سینئربالی ووڈ اداکار نے مزید لکھا کہ واقعے کے بارے میں کچھ معلوم کیے بغیر آپ نے یہ سمجھ لیا کہ مارچ میں میری سالگرہ کی تقریب ہو رہی ہے، اور آپ لوگ اس وقت مارچ میں ہیں اور میری سالگرہ نومبر میں آتی ہے،آپ کو ایسا لگ رہا ہے کہ میں رمضان میں سرعام شراب پی رہا ہوں، جو بالکل غلط ہے،یہ صرف شوٹنگ کا ایک سین ہے اور کچھ بھی نہیں۔

واضح رہے کہ اس ویڈیو کو اداکار کرن کمار نے شیئر کیا تھا جو شوٹنگ کا حصہ بھی تھے۔

یہ بھی پڑھیں:لگتا ہے میری شادی پر جو بندش ہے وہ ختم نہیں ہو رہی:حریم فاروق 

رضا مراد کئی دہائیوں پر محیط کیریئرکے دوران گنگوبائی کاٹھیاواڑی، پدماوت، باجی راؤ مستانی، خدا قسم اور دیوگیری کے بادشاہ رودرما دیوی سمیت کئی دیگر فلموں میں اداکاری کے جوہردکھاچکے ہیں۔