ورلڈ کپ: دھرم شالہ میں ناقابل شکست رہنے کا سلسلہ آج ختم ہو گا

(افضل بلال) آئی سی سی ورلڈ کپ کے 21 ویں میچ میں آج بھارت اور نیوزی لینڈ کی ٹیمیں آمنے سامنے ہوں گی اور دوںوں میں سے ایک  ٹیم کا ناقابلِ شکست ہونے کا سلسلہ بھی اختتام پذیر ہوگا۔

بھارت میں جاری انٹرنیشنل کرکٹ کونسل (آئی سی سی) ورلڈ کپ کے 13 ویں ایڈیشن کے 21 ویں مقابلے میں آج اس میگا ایونٹ کی ناقابلِ شکست ٹیمیں زور آزما ہوں گیں، میزبان بھارت اور نیوزی لینڈ کی ٹیمیں پاکستانی وقت کے مطابق دوپہر ڈیڑھ بجے ہماچل پردیش کرکٹ ایسوسی ایشن اسٹیڈیم، دھرم شالہ میں پنجہ آزمائیں گیں۔

یہ بھی پڑھیں: بڑا کھلاڑی اہم میچ سے باہر

خیال رہے کہ ہمالیہ کے پہاڑی شہر دھرم شالہ میں آج چھٹی کے روز میگا ایونٹ کے پوائنٹ ٹیبل پر ٹاپرز کی لڑائی دیکھنے کے لئے شائقین کرکٹ پرجوش ہیں، انگلینڈ کے مانچسٹر میں ہونے والے ورلڈ کپ 2019 کے سیمی فائنل میں نیوزی لینڈ نے بھارت کو ناک آؤٹ کیا تھا۔

The hosts ???? Resilient Kiwis

India take on a red-hot New Zealand with both teams hoping to continue their winning momentum.

Tune in to watch ➡️ https://t.co/ObsrEL7ZMT#INDvNZ pic.twitter.com/Roi7jVSh0r

— ICC (@ICC) October 22, 2023

واضح رہے کہ اس میچ میں ہندوستان کو نائب کپتان اور آل راؤنڈر ہاردک پانڈیا کی کمی محسوس ہوگی، پانڈیا بنگلہ دیش کے خلاف جیتنے والے میچ کے دوران ٹخنہ مڑنے کے باعث انجرڈ ہوئے تھے، اسی وجہ سے وہ ٹیم کے ہمراہ دھرم شالہ کا سفر نہیں کر پائے۔