خیبرپختونخوا :ایجوکیشن ایمرجنسی کا اعلان، تعلیم کارڈ جاری کرنے کا فیصلہ

(ویب ڈیسک)  وزیر اعلیٰ خیبر پختونخوا نے صوبے میں ایجوکیشن ایمرجنسی کا اعلان کر دیا۔

وزیر اعلیٰ خیبر پختونخوا علی امین گنڈاپور نے صوبے میں ایجوکیشن ایمرجنسی کا اعلان کرتے ہوئے تعلیم کارڈ کے اجرا کا فیصلہ کیا ہے۔

تعلیم کارڈ سے خیبر پختونخوا کے 9 اضلاع میں 40 ہزار بچے مستفید ہوں گے۔ ان اضلاع میں کوہستان، کولئی پالس، تورغر، چترال ، ٹانک اور جنوبی وزیرستان بھی شامل ہیں۔

یہ بھی پڑھیں: نیا چیف جسٹس کون؟ پارلیمانی کمیٹی کو تین سینئر ججز کی تفصیل بھیج دی گئی

سرکاری سکولوں میں داخلہ لینے پر بچوں کو ایک ہزار روپے ماہانہ دیئے جائیں گے جبکہ سکولوں کے بچیوں کو ماہانہ 500 روپے کے وظائف دیئے جائیں گے۔

ماہانہ تعلیمی وظائف سے ساڑھے 5 لاکھ طلبا مستفید ہوں گے اور کارڈ کے تحت 506 ذہین طلبہ کو ایٹا اسکالرشپس بھی دی جائیں گی۔