سوناکشی سہنا نے اپنا گھر کیوں بیچا؟ وجہ سامنے آگئی

(24نیوز)بالی ووڈ کی معروف اداکارہ سوناکشی سنہا اپنا گھر  فروخت کر رہی ہے تاہم ان کے مداحوں میں تشویش پایا گیا کہ آخر اداکارہ ایسا کیوں کر رہی ہے لیکن اس کی وجہ اب سامنے آگئی۔ 
 سوناکشی سہنا کے بارے میں کچھ روز قبل یہ خبر آئی تھی کہ وہ اپنا گھر فروخت کررہی ہیں اور مداح اس خبر پر پریشان تھے کہ آخر کیا وجہ تھی، جو سوناکشی کو اپنی شادی کے چند ماہ کے اندر اندر ہی اپنا وہ گھر بیچنا پڑ رہا ہے، جہاں ان کی اپنے بوائے فرینڈز ظہیر خان کے ساتھ شادی ہوئی تھی، اب اس کی وجہ سامنے آگئی ہے،بھارتی میگزین کے مطابق دراصل سوناکشی نے اپنے شوہر ظہیرخان کا تیار کردہ اپارٹمنٹ لے لیا ہے، ظہیر کے خاندان کا تعلق کنسٹرکشن کے بزنس سے ہے۔

 واضح رہے کہ سوناکشی سہنا کے لیے اپنا یہ گھر بہت خاص تھا، یہ وہ پہلا اپارٹمنٹ تھا ،جو سوناکشی نے اپنے لیے خریدا تھا،سوناکشی کہتی تھی کہ اپنے لیے گھر بنانے کا خیال مجھے اپنے والد کو دیکھ کرآیا کیونکہ جب بھی وہ اپنے گھر کاذکر کر تے بہت خوش ہوتےتھےاوران کی اسی خوشی اورجوش کو دیکھ کر سوناکشی نے بھی اپنا گھرخریدنے کا سوچاتھا ، سوناکشی کے لیے یہ گھر خاص ہونے کی ایک وجہ یہ بھی تھی کہ ان کی ظہیر خان سے شادی کی رجسٹریشن بھی اسی گھرمیں ہوئی تھی، جس میں ان کے خاندان کے افراد اورصرف قریبی دوست موجود تھے،فی الحال یہ جوڑا چھٹیوں پر ہے اور وہاں سے اپنی کئی تصاویر اپنے مداحوں کے ساتھ شیئر کر رہا ہے۔

یہ بھی  پڑھیں: اداکارہ مہر بانو کی بے باک ڈانس ویڈیو وائرل، سوشل میڈیا صارفین کا پارہ ہائی، تنقید کا نشانہ بنا ڈالا