استاد کا تھپڑ ،8ویں کے طالب علم نےسکول عمارت سے چھلانگ لگا کر خودکشی

(ویب رپورٹ)بھارت کے شہر  حیدرآباد میں ایک نجی اسکول کے8ویں  کلاس  کے طالب علم نے اپنے استاد کی طرف سے ’ڈانٹنے‘ اور’تھپڑ‘ مارے جانے کے بعد اسکول کی عمارت سے چھلانگ لگا کر خودکشی کر لی۔
بھارتی میڈیا رپورٹس کے مطابق پولیس کا کہنا ہے کہ  یہ واقعہ ہفتے کے روز صبح تقریباً 9.30 بجے پیش آیا جب فزکس کے ٹیچر نے مبینہ طور پر 14 سالہ لڑکے کو کلاس روم میں تمام  طلباء کے سامنے ڈانٹ دیا، بچے کی غلطی یہ بتائی جارہی ہے کہ لڑکے نےسی سی ٹی وی کیمرے کی سمت موڑ دی تھی۔پولیس نے بتایا کہ بے عزتی محسوس کرتے ہوئے لڑکے نے استاد سے واش روم جانے کی اجازت لی اور  عمارت کی چوتھی منزل پر جا کر چھلانگ لگا دی۔
اسپتال لے جانے پر لڑکے کو مردہ قرار دے دیا گیا۔کچھ طلباء نے میڈیا کو بتایا کہ استاد نے مبینہ طور پر لڑکے کو تھپڑ مارا تھا۔پولیس نے بتایا کہ لڑکے کی کتاب میں  ایک نوٹ لکھا تھا ،جس میں اس نے  اپنی زندگی ختم کرنے کے لیے اپنی ماں سے معافی مانگی۔

یہ بھی پڑھیں:انڈین فلم ’چھاوا‘ نے 6 دنوں میں 200کروڑ  بھارتی روپے کما کر ریکارڈ قائم کر دیا