(24 نیوز)اقوامِ متحدہ کا کہنا ہے کہ غزہ جنگ میں ہونے والی تباہی سے جو ملبہ پھیلا ہوا ہے اسے سمیٹنے میں 21 سال لگ سکتے ہیں۔
غیر ملکی میڈیا کے مطابق اقوامِ متحدہ نے کہا ہے کہ اسرائیلی حملوں کے نتیجے میں غزہ کے اندر تباہ ہونے والی عمارتوں اور دیگر انفرا اسٹرکچر کے ملبے کو صاف کرنے میں 21 سال کا عرصہ لگ سکتا ہے اور 12 ارب ڈالرز کی رقم خرچ ہو سکتی ہے۔
دوسری جانب اسرائیلی فوج غزہ میں جنگ بندی کی مسلسل خلاف ورزیاں کر رہی ہے اور گزشتہ روز رفح میں ملبہ صاف کرتے لوگوں پر اسرائیلی کواڈ کاپٹر (ڈرون) نے فائرنگ کی جس کے نتیجے میں ایک فلسطینی شہید اور 4 زخمی ہو گئے۔
مزید پڑھیں:فیس بک، انسٹاگرام جوائن کرنے پر ٹک ٹاکرز کو 5 ہزار ڈالر کی پیشکش
اسرائیلی بم باری سے تباہ شدہ عمارتوں سے فلسطینی شہداء کی لاشوں کے ملنے کا سلسلہ بھی جاری ہے،اب تک 200 سے زیادہ لاشیں برآمد کی جا چکی ہیں جبکہ مزید 10 ہزار سے زائد لاشیں ملبے کے نیچے دبے ہونے کا خدشہ ظاہر کیا گیا ہے۔