(ویب ڈیسک) معروف اداکارہ منال خان نے نماز اور روزوں پر تنقید کرنے والوں کو جواب دیتے ہوئے کہاہے کہ ہم بھی مسلمان ہیں، نماز پڑھتے اور روزے رکھتے ہیں۔
منال خان سوشل میڈیا پرکافی ایکٹیو رہتی ہیں اور انسٹاگرام پر ان کے 10.4 ملین فالوورز ہیں،وہ اکثر اپنے روزمرہ معمولات کی جھلکیاں مداحوں کے ساتھ شیئر کرتی ہیں۔
حال ہی میں انہوں نے فیس بک پر ایک ویڈیو شیئر کی جس میں انہوں نے اپنی مذہبی عبادات پر کی جانے والی تنقید کا جواب دیا ہے۔
منال خان نے کہا کہ کل میں نے جو ویڈیو شیئر کی، وہ بہت سارے لوگوں کو پسند آئی، لیکن کچھ نے سوال کیا کہ کیا میں نے مغرب کی نماز پڑھی یا نہیں؟ تو آج میں نے نماز ادا کی اور سوچا آپ سب سے شیئر کر لوں اور ہاں میرے ناخنوں پر نیل پالش بھی نہیں ہے، ہم بھی مسلمان ہیں نماز پڑھتے ہیں، روزے رکھتے ہیں اور عبادت بھی کرتے ہیں۔
یہ بھی پڑھیں:مُنفرد دُھنوں کے خالق موسیقار نثار بزمی کوبچھڑے 18 برس بیت گئے
منال خان کی رمضان روٹین کو مداحوں نے سراہتے ہوئے ان کے دوپٹے کے ساتھ انداز اور نو میک اپ لک کو پسند کیا ہے۔