شمالی وزیرستان میں یومِ پاکستان 2025 کے حوالے سے پروقار تقریبات کا انعقاد
Stay tuned with 24 News HD Android App
(احمد منصور) خیبر پختونخوا کے ضلع شمالی وزیرستان میں یومِ پاکستان 2025 کے حوالے سے پروقار تقریبات کا انعقادکیاگیاجہاں یومِ پاکستان انتہائی جوش و خروش اور جذبہ حب الوطنی کے ساتھ منایا گیا۔
موقع کی مناسبت سے سکولوں کے طلباء نے تقاریر، فن پاروں اور ملی نغموں کے ذریعے وطن عزیز سے محبت اور عقیدت کا اظہار کیا،تقریبات کے دوران شہدا کی قربانیوں کو خصوصی خراجِ عقیدت پیش کیا گیا اور امن کے قیام کے لیے افواج پاکستان کی خدمات کو سراہا گیا۔
میرانشاہ میں مقامی ٹیموں کے مابین فٹبال میچ کا انعقاد کیا گیا جس میں سول انتظامیہ، مشران اور عوام نے کثیر تعداد میں شرکت کی،تقریب کے اختتام پر جی اوسی میران شاہ میجر جنرل عادل افتخار نے کھلاڑیوں میں انعامات تقسیم کیے اور ان کا حوصلہ بڑھایا۔
شرکاء سے خطاب کے دوران ان کا کہنا تھا کہ وطن سےمحبت اور اس کی بقا ء کی خاطر قربانی کا مقدس حوصلہ بلاشبہ ایک مضبوط قوم کی عکاس ہے۔
یہ بھی پڑھیں: مختلف شعبوں میں نمایاں کارکردگی دکھانے والوں کیلئے اعلیٰ ترین سول اعزازات