(ویب ڈیسک)ممبئی پولیس نے بالی ووڈاداکارٹائیگر شروف کو دھمکیاں دینے والے شخص کو گرفتار کرلیا۔
بھارتی میڈیا کے مطابق بالی ووڈ کے سپر اسٹار سلمان خان کے بعد اداکار ٹائیگر شروف کو بھی جان سے مارنے کی دھمکی موصول ہوئی ہے جس پر فوری ایکشن لیتے ہوئے ممبئی پولیس نے دھمکی دینے والے شخص کو گرفتار کر لیا ۔
اطلاعات کے مطابق پولیس کو منگل کے روز ایک فون کال موصول ہوئی تھی جس میں ایک شخص نے دعویٰ کیاتھا کہ ٹائیگر شروف کی جان لینے کا دو لاکھ روپے کا معاہدہ ہو چکا ہے۔
تحقیقات کے دوران معلوم ہوا کہ یہ کال بھارتی پنجاب کے رہائشی منیش کمار سجیندر سنگھ کی طرف سے کی گئی تھی، جو غلط اطلاعات کے ذریعے خوف و ہراس پھیلانا چاہتا تھا،پولیس نے فوری طور پر ایف آئی آر درج کر کے کارروائی کا آغاز کیا اور جلد ہی ملزم کوگرفتارکر لیا۔
یہ بھی پڑھیں:جیکولین فرنینڈس کیلئے مبینہ بوائے فرینڈنے بالی جزیرے پر زمین خرید لی
منیش کمار سے تفتیش کی جارہی ہے اور پولیس کا کہنا ہے کہ منیش نے صرف خوف پھیلانے کیلئے اداکار کو جان سے مارنے کے معاہدے کی جھوٹی خبر پھیلائی تھی۔