صدرمملکت کو مختلف ممالک کے سفراء نے سفارتی اسناد پیش کردیں

(اویس کیانی) صدرمملکت آصف علی زرداری کو مختلف ممالک کے سفرا نے سفارتی اسناد پیش کردیں۔ 
 تفصیلات کے مطابق صدر آصف علی زرداری کو رومانیہ، صومالیہ، نیپال، جاپان اور بنگلہ دیش کے سفراء نے سفارتی اسناد پیش کر دیں

رومانیہ کے نامزد سفیر ڈَین سٹونیسکو،صومالیہ کے نامزد سفیر شیخ نور محمد حسن اور نیپال کی نامزد سفیر  ریٹا دھیتل نے بھی صدر کو اسناد پیش کیں،جاپان کے نامزد سفیراکاماتسو شوچی اور بنگلہ دیش کے نامزد ہائی کمشنر اقبال حسین خان نے صدر مملکت کو اسناد پیش کیں۔

صدر مملکت نے نامزد سفراء کو پاکستان میں تعیناتی پر مبارکباد دی،صدر مملکت کا کہنا تھا کہ امید ہے کہ نامزد سفراء تجارت، معیشت اور ثقافت کے شعبوں میں پاکستان کے ساتھ تعلقات مزید مضبوط بنانے میں کردار ادا کریں گے۔

علاوہ ازیں،نامزد سفراء کو ایوان صدر پہنچنے پر مسلح افواج کے چاق و چوبند دستے نے گارڈ آف آنر  بھی پیش کیا۔

یہ بھی پڑھیں: ہمارے مطالبات جائز ہیں،جلد سے جلد اس پر پیشرفت ہونی چاہیئے،چیئرمین پی ٹی آئی