ہریتک روشن کیساتھ تعلقات: صبا آزادناقدین پر برس پڑیں

(ویب ڈیسک)بھارتی اداکارہ وگلوکارہ صبا آزاد اداکار ہریتک روشن کے ساتھ اپنے تعلقات کو تنقید کا نشانہ بنانے والوں پر برس پڑیں۔

بھارتی اداکارہ صبا آزاد کواکثر ہریتک روشن کے ساتھ وقت گزارنے پرتنقید کا سامنا کرنا پڑتا ہے،مگر اس مرتبہ صبا آزاد نے خاموشی توڑتے ہوئے ناقدین کو کرارا جواب دے دیا ہے۔

View this post on Instagram

A post shared by Saba Azad (@sabazad)

ایک حالیہ انٹرویو میں اداکارہ و گلوکارہ صبا نے  کہا ہے کہ انہیں اب یہ آن لائن تبصرے پریشان نہیں کرتے،جیسے جیسے لوگوں کا عدم اطمینان بڑھتا ہے،اسی طرح آن لائن اس قسم کا رویہ بھی بڑھتا ہے،اگر آپ خوش مزاج انسان ہیں تو آپ جعلی اکاؤنٹس نہیں بنائیں گے اور لوگوں کو ٹرول نہیں کریں گے، میں کسی ایسے شخص کی کیوں پرواہ کروں گی، جن کا میں چہرہ نہیں جانتی وہ بے نام، اور اپنی زندگیوں سے مایوس ہیں۔

صبا آزاد نے مزید بتایا کہ آن لائن ٹرولنگ انہیں شروع میں پریشان کرتی تھی لیکن اب وہ خود پر اس کا اثر نہیں ہونے دیتیں،شروع میں ایسا تھا کہ ان باتوں کا مجھ پر اثر ہورہا ہے اور میں پریشان رہنے لگی تھی مگراب مجھے لگتا ہے کہ مجھے اس سے کوئی فرق نہیں پڑتا کہ ایسے لوگ میرے بارے میں اب کیا کہتے ہیں۔

یہ بھی پڑھیں:مجھے بھتے کی پرچیاں موصول ہوئیں:معروف گلوکارعلی حیدر کاانکشاف

واضح رہے کہ ہریتک روشن اور صبا آزاد نے 2022 میں اپنے رشتے کو باضابطہ طور پر میڈیا میں اس وقت تسلیم کیا تھا جب وہ کرن جوہر کی 50 ویں سالگرہ کی تقریب میں ایک ساتھ نظر آئے تھے۔

"لال سنگھ چڈھا" کی ناکامی کے بعدعامرخان کے ڈپریشن میں جانے کا انکشاف

ہریتک روشن کی شادی اس سے قبل 2000 ء میں سوزین خان سے ہوئی تھی،لیکن 2014 میں دونوں الگ ہو گئے، ہریتک سے سوزین کے دو بیٹے ہریان اور ہردان روشن بھی ہیں۔