(ویب ڈیسک)بالی ووڈ کے معروف اداکار راجپال یادیو کے والد نورنگ یادیو چل بسے۔
بھارتی میڈیا کے مطابق نورنگ یادیو کافی عرصے سے بیماری کا شکار تھے اور طبی نگہداشت کے باوجود ان کی حالت مزید بگڑ گئی جس کے نتیجے میں وہ آج جمعہ 24 جنوری کو دہلی کے ایمس ہسپتال میں انتقال کر گئے۔
بالی ووڈ اداکار راجپال یادیو حال ہی میں تھائی لینڈ سے واپسی کے اگلے روز اپنے اہل خانہ کے ساتھ وقت گزارنے کے لیے دہلی پہنچے تھے۔
یاد رہے کہ راجپال یادیو کو حال ہی میں ایک دھمکی آمیز ای میل بھی موصول ہوئی، جس میں سنگین نتائج کی دھمکیاں دی گئی تھیں،پولیس نے معاملے کی تحقیقات شروع کر دی ہیں، جبکہ راجپال یادیو نے اس پر مزید تبصرے سے گریز کیا ہے۔ ایک صوتی پیغام میں انہوں نے مداحوں کو یقین دلایا کہ حکام معاملے کو دیکھ رہے ہیں۔
یہ بھی پڑھیں:بالی وڈ کے معروف ہدایتکاررام گوپال ورما کو 3 ماہ قید کی سزا
بالی ووڈ انڈسٹری اور دیگر شخصیات راجپال یادیو سے والدکے انتقال پراظہارِ افسوس کر رہی ہیں۔