بھارتی سیاستدان کا بھکاری سے   چپل مار آشیرواد، ویڈیو وائرل

(ویب ڈیسک) بھارتی ریاست مدھیہ پردیش میں اسمبلی کے الیکشن جیتنے کیلئے کانگریس رہنما پارس سکلیچہ کا بھکاری سے چپل مار آشیرواد لینے کی ویڈیو سوشل میڈیا پر وائرل ہو گئی۔

بھارتی میڈیا کے مطابق مدھیہ پردیش کے شہر رتلام سے کانگریس رہنما پارس سکلیچہ نے اسمبلی کے انتخابات میں حصہ لیا جس کیلئے پولنگ تو ختم ہو چکی ہے لیکن ان کے حوالے سوشل میڈیا پر ایک ویڈیو زیر گردش ہے۔

بتایا جارہا ہے کہ پارس سکلیچہ نے 2013 اور 2018 میں بھی اسمبلی کے الیکشن میں حصہ لیا تھا لیکن اُنہیں ناکامی کا سامنا کرنا پڑا تھا، اسی وجہ سے کانگریس رہنما اس بار الیکشن میں لڑنے کیلئے ایک بھکاری بابا کے پاس چپل مار آشیرواد لینے پہنچ گئے۔

In the Video, @INCIndia MLC Candidate from MP, Paras saklecha is seen handing slippers to an elderly Kamal Raza (fakir baba) asking to be beaten (blessing).

Irony will be that this Congress leader will go and call others Andhbhakt! pic.twitter.com/wevoNyUMfF

— Amit Rakksshit ???????? (@amitrakshitbjp) November 18, 2023

ویڈیو میں دیکھا جاسکتا ہے کہ ایک عمر رسیدہ بھکاری سڑک کنارے موجود ہے اور کانگریس رہنما ان کیلئے نئی چپل کا جوڑا لاتے ہیں جس سے بھکاری بابا انہیں کئی بار چپل مار کر آشیرواد دیتے ہیں۔ بھکاری بابا کبھی کانگریس رہنما کے سر پر تو کبھی ان کے منہ پر چپل مار رہے ہیں۔

بھارتی میڈیا کے مطابق بھکاری بابا چپل مار کر آشیرواد دیتے ہیں جس کا مطلب ہے کہ چپل کھانے والے شخص سے نظر بد ختم ہو جاتی ہے اور اس کے کام بن جاتے ہیں۔

مزید پڑھیں: سانحہ بلدیہ،اشتہاری ملزموں کی گرفتاری پر رپورٹ عدالت میں جمع

مدھیہ پردیش میں اسمبلی کے الیکشن پچھلے ہفتے  جمعے کے روز ہوئے تھے جس میں ٹرن آؤٹ 76.22 فیصد رہا جسے ریاست کی تاریخ کا سب سے بڑا ٹرن آؤٹ کہا جارہا ہے، ووٹوں کی گنتی کا عمل 3 دسمبر تک جاری رہے گا۔