اویس قادر شاہ اسپیکر سندھ اسمبلی منتخب، ذمہ داریاں سنبھال لیں

(امانت گشکوری)سپریم کورٹ میں سینیٹر فیصل واوڈا کی پریس کانفرنس پر لئے گئے از خود نوٹس کیس کی سماعت کے دوران چیف جسٹس قاضی فائز عیسیٰ نے فیصل واوڈا اور رہنما متحدہ قومی موومنٹ مصطفٰی کمال سے 2 ہفتے میں جواب طلب کرلیا، چیف جسٹس پاکستان نے ریمارکس دیتے ہوئے کہاکہ جو تنقید کرنی ہے ہمارے سامنے کریں، باپ کے گناہ کی ذمہ داری بیٹے کو نہیں دی جا سکتی،معاشرے میں سب سے زیادہ کمزور وہ ہے جو بندوق اٹھاتا ہے،اپنی ذات نہیں بلکہ ادارے کیلئے حلف لیا ہے،مہذب معاشرے میں توہین عدالت کا قانون استعمال نہیں ہوتا۔

  سپریم کورٹ میں سینیٹر فیصل واوڈا کی پریس کانفرنس پر ازخودنوٹس کی سماعت ہوئی،چیف جسٹس قاضی فائز عیسیٰ کی سربراہی میں 3رکنی بنچ نے سماعت کی،جسٹس عرفان سعادت اور جسٹس نعیم اختر افغان بنچ میں شامل ہیں،ایڈیشنل اٹارنی جنرل سپریم کورٹ میں پیش ہوئے،چیف جسٹس نے استفسار کیا کہ کیا آپ نے وہ پریس کانفرنس سنی، کیا یہ توہین عدالت ہے یا نہیں؟ہمیں شاید باہر سے دشمن کی ضرورت ہی نہیں،میں ماضی کے سپریم کورٹ کے اقدامات کا ذمہ دار نہیں ہوں۔

 ایڈیشنل اٹارنی جنرل نے کہاکہ مجھے جو ویڈیو ملی اس  میں متعلقہ حصوں کی آواز میوٹ تھی،چیف جسٹس نے کہاکہ توہین عدالت کے قانون کو پڑھتے ہیں، اداروں میں نقص ہوسکتا ہے، کسی اور کا بوجھ برداشت نہیں کر سکتے،اگر آپ ادارے کو انڈر مائن کریں گے تو یہ درست نہیں،میرے خلاف بہت زیادہ باتیں ہوئیں جن کو میں نے نظرانداز کیا،ہم ہر روز اچھا کام کرنے کی کوشش کررہے ہیں۔

  چیف جسٹس نے فیصل واوڈا کی پریس کانفرنس   کی تفصیلات طلب کرلیں،چیف جسٹس پاکستان نے استفسار کیا کہ کیا چیخ و پکار کرکے آپ ادارے کی خدمت کررہے ہیں؟جس کے پاس دلائل ہوں اس کو اس سب کی ضرورت نہیں،ادارے عوام کے ہوتے ہیں ، ان کو بدنام کرنا ملکی خدمت نہیں،اگر میں نے کوئی غلط کام کیا ہے تو بتائیں، تنقید کریں،ایک کمشنر صاحب نے پریس کانفرنس کی، سب نے چلا دی،تنقید کی ایک حد ہونی چاہئے، ان کے بعد ایک اور صاحب آ گئے جن کا نام مصطفیٰ کمال ہے،مصطفیٰ کمال نے بھٹو کا ذکر کیا،دونوں افراد پارلیمنٹ کے ارکان ہیں، ایوان میں بولتے،پارلیمان میں بھی ججز کے کنڈکٹ پر بات نہیں کی جا سکتی، باپ کے گناہ کی ذمہ داری بیٹے کو نہیں دی جا سکتی،میڈیا میں بھی اچھے اور برے صحافی موجود ہیں،ہمیں پتہ ہے ہماری عدلیہ کون سے نمبر پر ہے، گالیاں دینا مناسب نہیں،اسی عدالت نے مارشل لا کی بھی آئینی توثیق کی ہے،مارشل لا کی توثیق کرنے والوں کا کبھی دفاع نہیں کروں گا، کہا جاتا ہے کہ باپ کے گناہوں کا ذمہ دار بیٹا نہیں ہو سکتا،سپریم کورٹ نے فیصل واوڈا اور مصطفیٰ کمال کو طلب کرلیا،چیف جسٹس نے کہاکہ جو تنقید کرنی ہمارے سامنے کریں۔

ضرورپڑھیں:ازخود نوٹس کیس، جو تنقید کرنی ہے ہمارے سامنے کریں،سپریم کورٹ نے فیصل واوڈا اور مصطفیٰ کمال کو طلب کرلیا

 بعدازاں سپریم کورٹ نے پیمرا سے پریس کانفرنسز کی ویڈیو ریکارڈنگ اور ٹرانسکرپٹ طلب کرکےکیس کی سماعت 5 جون تک ملتوی کردی ۔

 خیال رہے کہ 15 مئی کو سابق وفاقی وزیر فیصل واڈا نے پریس کانفرنس کرتے ہوئے کہا تھا کہ اب پاکستان میں کوئی پگڑی اچھالے گا تو ہم ان کی پگڑیوں کی فٹبال بنائیں گے۔

  ان کا کہنا تھا کہ میں نے اسلام آباد ہائی کورٹ کو خط لکھا، 15 روز ہوگئےجواب نہیں آیا، 19 اے کے تحت مجھے جواب دیا جائے، بابر ستار کہتے ہیں کہ جج بننے سے پہلے اس وقت کے چیف جسٹس اطہر من اللہ کو رپورٹ بھیجی، ہم نے کہا کہ اس کے حوالے سے ریکارڈ روم کے اندر کوئی چیز ہوگی تحریری طور پر لیکن اس کا جواب ہمیں نہیں مل رہا۔

( طحہٰ ملک) پاکستان تحریک انصاف کے حمایت یافتہ ارکان سندھ اسمبلی محمد اویس  نے سپیکر اور ڈپٹی سپیکر کے انتخاب پر  بائیکاٹ کا اعلان کردیا۔

تفصیلا ت کے مطابق  سندھ اسمبلی میں اسپیکراورڈپٹی اسپیکرکےانتخاب کے حوالے سے پی ٹی آئی کے حمایت یافتہ ارکان محمد اویس نے بائیکاٹ کا اعلان کرتے ہوئے  کہا کہ  آج ہمارے 9 ارکان  اسمبلی حلف اٹھائیں گے۔

محمداویس  نے کہا کہ آج ہم اکیلے حلف اٹھائیں گے۔

یہ بھی پڑھیں:نئے منتخب وزیراعظم آئندہ ہفتے حلف اٹھالیں گے

خیال رہے کہ  سندھ اسمبلی کے اسپیکر اور ڈپٹی اسپیکر کے  انتخابات کا اجلاس اسپیکر سندھ اسمبلی آغا سراج درانی کی زیر صدارت شروع ہوگیا ،اسپیکرکیلئےپی پی کے اویس قادراورایم کیوایم کی صوفیہ شاہ مدمقابل ،انتخاب کیلئے ووٹنگ جاری ہے۔

پیپلزپارٹی کی جانب سے نامزد اسپیکر اویس شاہ اور ڈپٹی اسپیکر نوید انتھونی کے کاغذات درست قرار دے دیے گئے ہیں۔ایم کیوایم کی نامزد کردہ اسپیکر صوفیہ سعید شاہ اور ڈپٹی اسپیکر کیلئے راشد خان کے کاغذات نامزدگی بھی درست قرار پائے۔وزیراعلیٰ سندھ کیلئے نامزد سید مراد علی شاہ کی حلف برداری پیر کو متوقع ہے ۔