(احمد منصور) سنگاپور میں منعقدہ سٹیمکو سائنس مقابلوں میں پاکستانی طلباء کی شاندار کارگردگی ،پاکستانی انارا بہرام درانی نے گلوبل مقابلوں میں گولڈ میڈل جیت کر پاکستان کو عالمی سطح پر نمایاں کیا ۔
رپورٹ کے مطابق سٹیمکو سائنس مقابلوں میں پاکستانی طلباء نے شاندار کارگردگی کا مظاہرہ کیا،پاکستان بھر سے صرف 15 پاکستانی طلباء فائنلز تک پہنچے، جہاں انہوں نے 13 ممالک کے 177 شرکاءکے خلاف مقابلہ کیا ، پاکستانی انارا بہرام درانی نے سنگاپور میں منعقدہ سٹیمکو سائنس گلوبل مقابلوں میں گولڈ میڈل جیت کر پاکستان کو عالمی سطح پر نمایاں کیا ۔اس سے پہلے پاکستان بھر سے 26000 طلباء نے مقابلےمیں حصہ لیا جن میں سے صرف پندرہ پاکستانی طلباء بین الاقوامی مقابلے کے لئے جگہ بنا سکے
پہلے مرحلے میں انارہ بہرام درانی نے گولڈ میڈل جیت کر پاکستان کا نام روشن کر دیا۔
وا؎ضح رہے کہ یہ مقابلہ 12 سے 17 فروری 2025 تک نیشنل یونیورسٹی آف سنگاپور میں منعقد ہوا،مقابلے میں دنیا بھر کے نوجوان سائنسدانوں نے اپنی مہارت کا مظاہرہ کیا،
یہ ایونٹ نوجوان ذہنوں کو سائنس اور جدت طرازی میں بہتری کی طرف راغب کرنے کا ایک اہم پلیٹ فارم ہے ، ان طلباء نے پاکستان میں انٹرنیشنل کینگرو سائنس مقابلے میں بھی غیر معمولی کارکردگی کا مظاہرہ کیا تھا،سائنس میں لڑکیوں کی بڑھتی ہوئی نمائندگی انتہائی اہم ہے، اور انارا اس راستے کی پہلی روشن مثال ہیں۔
یہ بھی پڑھیں: اڈیالہ جیل میں بانی پی ٹی آئی اور بشری بی بی کی ملاقات