بھارت؛ اداکار سونو سود کی گاڑی کو خوفناک حادثہ،اہلیہ شدید زخمی حالت میں ہسپتال منتقل

(ویب ڈیسک) بھارت کے نامور اداکار اور ایکشن ولن سونو سود کی گاڑی ہائی وے پر ایک حادثے میں مکمل طور پر تباہ ہوگئی۔

بھارتی میڈیا کے مطابق سونو سود کی اہلیہ اپنی بہن اور بھانجے کے ساتھ ممبئی سے ناگپور ہائی وے پر سفر کر رہی تھیں کہ کار حادثے کا شکار ہوگئی،جائے حادثہ سے اداکار کی اہلیہ اور بھانجے کو شدید زخمی حالت میں ہسپتال منتقل کیا گیا جہاں انھیں طبی امداد فراہم کی جا رہی ہے۔

سونو سود حادثے کی اطلاع ملتے ہی ناگپور پہنچے اور اس وقت اپنی اہلیہ کے ساتھ ہیں، انھوں نے سوشل میڈیا پر بتایا کہ اہلیہ کی حالت اب خطرے سے باہر ہے،اداکار سونو سود نے سوشل میڈیا پر بتایا کہ حادثہ بہت خوفناک تھا۔ ان کی اہلیہ معجزانہ طور پر محفوظ رہی ہیں۔

یہ بھی پڑھیں: ہانیہ عامر نے برطانوی پارلیمنٹ میں کتنا مہنگا جوڑا پہنا؟