(24 نیوز) بالی وڈ کی مشہور ماڈل و اداکارہ نورا فتیحی سے ملاقات پر پاکستانی اداکار سعود قاسمی وضاحتیں دینے لگ گئے، ویڈیو اداکار کی اہلیہ جویریہ سعود نے خود اپنے انسٹاگرام اکاؤنٹ پر شیئر کی تھی جس نے مداحوں کی توجہ حاصل کرلی۔
حال ہی میں ایک نجی ٹی وی پروگرام میں سعود قاسمی سے اس وائرل ویڈیو کے بارے میں سوال کیا۔ سعود نے وضاحت کرتے ہوئے کہا، "میرے چھوٹے بھائی کی لیگ کا میچ تھا، جس میں نورا فتیحی اور میکا سنگھ سمیت دیگر مشہور شخصیات شریک تھیں۔ میری نورا سے ملاقات وہیں ہوئی۔ کسی نے یہ ویڈیو بنا کر ازراہِ مذاق جویریہ کو بھیج دی، جس کے بعد جویریہ نے اسے پوسٹ کردیا۔
مزید پڑھیں: پی ٹی آئی کے ایم پی اے علی شاہ خان حسن ابدال سے گرفتار
انہوں نے کہا کہ ویڈیو میں میرا رخ نورا کی طرف تھا ہی نہیں۔ یہ سب کچھ اتفاقی تھا۔سعود قاسمی نے مزید کہا کہ یہ ویڈیو صرف ایک تفریحی لمحے کی عکاسی کرتی ہے اور اس کا کوئی منفی پہلو نہیں تھا۔