راکھی ساونت اوردودی خان میں کیارشتہ ہے؟حقیقت سامنے آگئی

(ویب ڈیسک)بھارتی اداکارہ اور رقاصہ راکھی ساونت اور پاکستانی اداکار دودی خان کے رشتے کی حقیقت سامنے آ گئی۔

راکھی ساونت حالیہ دنوں میں  دودی خان کے ساتھ شادی کی خبروں کے باعث سرخیوں میں رہی ہیں۔

چند روز قبل دودی خان کی ایک ویڈیو سوشل میڈیا پر وائرل ہوئی تھی، جس میں وہ راکھی ساونت کو شادی کے لیے پروپوز کر رہے تھے،اب ایک اور ویڈیو سوشل میڈیا پر وائرل ہو رہی ہے جس میں راکھی ساونت اور دودی نے اپنی دوستی اور رشتے کی حقیقت واضح کر دی ہے۔

دودی خان نے راکھی ساونت کو محبت اور دوستی کی انگوٹھی تحفے میں دیتے ہوئے کہا کہ ہم ہمیشہ اچھے دوست رہیں گے،میں راکھی ساونت کے لیے ایک اچھا رشتہ تلاش کرنے میں مدد کروں گا۔

اس ویڈیو میں دونوں کے درمیان زبردست کیمسٹری اور دوستانہ تعلق  بھی دیکھنے میں نظرآیا۔

یہ بھی پڑھیں:وراسٹائل اداکارہ بشریٰ انصاری کو برطانوی پارلیمنٹ سے اہم اعزازمل گیا

مداحوں نے راکھی ساونت اور دودی خان کی دوستی کو پسند کرتے ہوئے کچھ مشورے بھی دیئے ہیں,ایک صارف نے لکھا کہ دودی خان کو اپنی فیملی کے بارے میں سوچنا چاہیے،اس طرح کے اسٹنٹس سے بچنا چاہیے۔

ایک مداح نے دلچسپ تبصرہ کرتے ہوئے لکھاکہ راکھی براہِ کرم میرے شوہر سے شادی کر لو کیونکہ میں تمہیں بہت پسند کرتی ہوں,ایک اور صارف نے مزاحیہ انداز میں لکھا کہ ہر لڑکے کو لڑکی مل رہی ہے اور ہم ابھی تک قرض داروں سے نمٹ رہے ہیں۔