پاکستانی کھلاڑیوں نے بھارت کیخلاف میچ میں کیا غلطی کی؟ مائیکل کلارک بھی بول پڑے

(24نیوز)سابق آسٹریلوی کپتان مائیکل کلارک نے پاکستان کی بھارت کے خلاف شکست پر تبصرہ کرتے ہوئے کہا ہے کہ کچھ پاکستانی کھلاڑی بھارت کے خلاف جیتنے کی کوشش میں نہیں بلکہ آوٹ  ہونے کے ڈر سے آوٹ ہوئے۔

پوڈکاسٹ میں تبصرہ کرتے ہوئے مائیکل کلارک کا کہنا تھا کہ ہم نے کوئی گیند گرنے سے پہلے یہ دیکھ لیا  تھا کہ پاکستان کو اپنے گھر میں ہونے والے اتنے بڑے ایونٹ اور توقعات کا پریشر برداشت کرنے میں مشکلات کا سامنا ہوگا۔انہوں نے کہا کہ انہیں سمجھ نہیں آئی کہ پاکستان نے صرف ایک  تبدیلی کی وہ بھی فخر زمان کی انجری کی وجہ سے۔ دبئی کی کنڈیشنز اس جگہ سے بالکل الٹ تھیں جہاں وہ نیوزی لینڈ کے خلاف کھیلے تھے اور انہوں نے صرف ایک تبدیلی کی۔

یہ بھی پڑھیں:قومی کرکٹ ٹیم کی ناقص کارکردگی:معین اختر کا برسوں پرانا کلپ وائرل ہو گیا

مائیکل کلارک نے حیرت کا اظہار کرتے ہوئے کہا کہ وہ یقین نہیں کر سکے کہ وہ کیا دیکھ رہے ہیں۔ پاکستان نے ٹاس جیتا، بیٹنگ کی اور آپ دیکھ سکتے ہیں ان کے شاٹ سلیکشن۔ ان کے کچھ آؤٹ انڈیا کو ہرانے کی کوشش نہیں بلکہ آؤٹ ہونے کے ڈر سے ہوئے۔ آپ انڈیا سے مقابلے کی کوشش نہیں کرتے ہیں آپ انڈیا کو ہرانے کی کوشش کرتے ہیں۔انہوں نے کہا کہ پہلی اننگز کے بعد میچ ختم ہو چکا تھا، پاکستان نے مناسب رن ہی نہیں بنائے۔ انڈیا ہدف کے تعاقب کے لیے آنے سے پہلے ہی جیت چکا تھا۔

یہ بھی پڑھیں:یکم مارچ سے پیٹرول کتنا سستا ہونے کا امکان ، موٹرسائیکل اور گاڑی رکھنے والوں کیلئے اہم خبر