فخر زمان نے ریٹائرمنٹ کی خبروں کی تردید کردی ، پی سی بی 

(محمد حماد/وسیم احمد) پاکستان کرکٹ بورڈ نے کہا ہے کہ قومی کرکٹ ٹیم کے بلے باز فخر زمان کی ریٹائرمنٹ کے حوالے سے چلنے والی خبروں میں صداقت نہیں،فخر زمان نے ریٹائرمنٹ کی خبروں کی تردید کردی۔ 

 پاکستان کرکٹ بورڈ کے مطابق فخر زمان نے ان تمام خبروں کی تردید کرتے ہوئے کہا ہے کہ ریٹائرمنٹ کی خبروں میں کوئی صداقت نہیں،جلد مکمل فٹ ہوکر ٹیم کو جوائن کروں گا۔

 پی سی بی ڈیجیٹل کو انٹرویو میں قومی کرکٹ ٹیم کے مایاناز بلے باز فخر زمان کا کہنا تھا کہ میں نے بھی ریٹارئرمنٹ کے حوالے سے کافی خبریں سنی  ہیں،میری ریٹائرمنٹ کے حوالے سے خبریں غلط ہیں،ون ڈے فارمیٹ میرا پسندیدہ فارمیٹ ہے، تھائی رائیڈ کی وجہ سے سوچا تھا  کہ کرکٹ سے کچھ دیر بریک لوں۔
ان کا کہنا تھا کہ ابھی تک میرے ذہن میں ایسا کچھ نہیں ہے، میں چاہتا ہوں کہ ون ڈے اور ٹی ٹوئنٹی کرکٹ کھیلوں،انشاء اللہ  ڈاکٹرز کی ہدایت کے مطابق ایک  مہینے کے اندر اندر دوبارہ ٹریننگ شروع کروں گا۔ 
فخر زمان کا کہنا تھا کہ چیمپئنز ٹرافی بڑا ایونٹ ہے ، 2017 چیمپئنز ٹرافی کے ساتھ کافی یادیں  ہیں،میرے ذہین میں تھا کہ شاید یہ ٹورنامنٹ میرے لئے   لکی ثابت ہو گا،ون ڈے فارمیٹ ایسا ہے جو میں پسند کر تا ہوں ،میں نے اس ٹورنامنٹ کے لئے خصوصی طور پر کافی کچھ سوچا ہوا تھا ،بیماری سے جب ٹھیک ہوا تو اسی ٹورنامنٹ کے لئے تیاری شروع کر دی  تھی۔
ڈاکٹرز نے  کہا تھا کہ آپ زیادہ وقت لو مگر میں نے پہلے ہی تیاری شروع کر دی تھی،میں سمجھتا ہوں کہ کافی مضبوط ہوں ، میرے اوپر کافی بار اس طرح کا وقت آیا ہے،اپنے جذبات  پر قابو نہیں پاتا کبھی کبھی، بیٹے نے بھی کہاکہ تھا آپ درد میں کھیل رہے تھے،جب انجری ہو گئی تو درد سے اندازہ ہو گیا تھا کہ میرے لئے چیمپئنز ٹرافی ختم ہو گئی۔ 
قومی ٹیم کے بلے باز کا کہنا تھا کہ نیوزی لینڈ کےخلاف اگر اوپننگ کرتا تھا تو شایدچیزیں مختلف ہوتیں،زیادہ ٹارگٹ میں اوپنرز کا رول ہوتا ہے کہ  پہلے 10 اوورز میں تیز رنز کریں،انجری کے دوران فیلڈنگ اسی لئے کی تھی تاکہ اوپن کروں،کبھی کبھی لوگوں کی امیدیں زیاد ہ ہوتی ہیں مگر آپ کچھ کر نہیں سکتے،فخر زمان کا مزید کہنا تھا کہ  میں نے ریڈبال  پر بھی فوکس کیا مگر کوچز کی اپنی پلاننگ ہوتی ہے،ابھی بھی چاہتا ہوں کہ ریڈبال کھیلوں،آج کل  سٹرائیک ریٹ زیادہ ضروری ہے، اگر رسک لیتے ہیں تو رنز بن سکتے ہیں۔ 

یہ بھی پڑھیں: چیمپئنز ٹرافی: انگلینڈ کیخلاف ابراہیم زدران کی شانداربلے بازی، افغانستان کے 323 پر 5کھلاڑی آؤٹ