(عبدل جبار ابڑو) شکارپور کے علاقے سے ایک ماہ قبل ڈاکوؤں کے ہاتھوں اغوا ہونے والے باپ بیٹے کی تشدد بھری وڈیو وائرل۔ویڈیو میں واضح طور پر دیکھا جا سکتا ہے کہ ڈاکو مغویوں کو ڈنڈوں سے تشدد کر رہے ہیں۔اہلِ خانہ نے حکومت اور قانون نافذ کرنے والے اداروں سے فوری مدد کی اپیل کی ہے۔
رپورٹ کے مطابق شکارپور تھانہ کوٹ شاہو سے ایک ماہ قبل اغوا کئے گئے باپ بیٹے کی وڈیو سوشل میڈیا پر وائرل ہوگئی، وڈیو میں مغویوں کو شدید تشدد کا نشانہ بنتے دیکھا جاسکتا ہے۔ویڈیو میں واضح طور پر دیکھا جا سکتا ہے کہ ڈاکو مغویوں کو ڈنڈوں سے تشدد کر رہے ہیں، وڈیو میں بے بس باپ بیٹا مدد کی اپیل کر رہے ہیں۔ ڈاکوؤں کی جانب سے مغویوں پر وحشیانہ تشدد کے مناظر نے شہریوں میں غم و غصہ پھیلا دیا ہے۔
واضح رہے کہ ایک ماہ قبل شکارپور کے تھانہ کوٹ شاہو کی حدود سے نامعلوم مسلح افراد نے باپ بیٹے کو اغوا کر لیا تھا۔ اہلِ خانہ نے ان کی بازیابی کے لیے متعلقہ حکام سے بارہا اپیل کی، مگر کوئی پیش رفت نہ ہوسکی۔
مغویوں کے اہلِ خانہ نے حکومت اور قانون نافذ کرنے والے اداروں سے فوری مدد کی اپیل کی ہے۔ انہوں نے کہا ہے کہ اگر بروقت کارروائی نہ کی گئی تو مغویوں کی جان کو شدید خطرہ لاحق ہوسکتا ہے۔ورثا کا مزید کہنا ہے کہ اگر حکام پہلے ہی کارروائی کرتے تو آج یہ صورتحال نہ ہوتی۔ حکومت سندھ اور پولیس حکام فوری ایکشن لینے تاکہ مغویوں کو بحفاظت بازیاب کرایا جا سکے۔
پولیس کا کہنا ہے کہ جلد ہی ڈاکوؤں کے خلاف کارروائی عمل میں لائی جائے گی۔اوڈ برادری کے نوجوان کامورو اور اس کے بیٹے انصاف اوڈ کو جلد از جلد بازیاب کرا لیا جائے گا۔
یہ بھی پڑھیں:گیٹ آئوٹ،ذلیل دلہا کی گھیٹا حرکت،دلہن نے پھینٹا لگا کر شادی کینسل کر دی