پی ٹی آئی نے بھی دفعہ 144 کے نفاذ کو لاہور ہائیکورٹ میں چیلنج کر دیا

(ملک اشرف) پاکستان تحریک انصاف نے  بھی پنجاب بھر میں دفعہ 144 کے نفاذ کو لاہور ہائیکورٹ میں چیلنج کر دیا۔

پاکستان تحریک انصاف (پی ٹی آئی) کے ڈپٹی سیکرٹری جنرل پنجاب زبیر کسانہ نے لاہور ہائیکورٹ میں دفعہ 144 کے خلاف درخواست دائر کی ہے، درخواست میں پنجاب حکومت، ہوم سیکرٹری، ڈپٹی کمشنر سمیت دیگر کو فریق بنایا گیا ہے۔

درخواست گزار نے مؤقف اپنایا کہ دفعہ 144 کا نفاذ جان بوجھ کر سیاسی سرگرمیاں محدود کرنے کیلئے کیا گیا ہے، تحریک انصاف نے 26 جولائی کو احتجاج کا اعلان کیا اور پنجاب حکومت نے دفعہ 144 لگا دی، ہر سیاسی جماعت کا یہ بنیادی حق ہے کہ وہ احتجاج کرے۔

یہ بھی پڑھیں: پی ٹی آئی کا اسلام آباد میں ہونے والا احتجاج ملتوی، وجہ بھی سامنے آ گئی

درخواست گزار نے استدعا کی کہ عدالت پنجاب حکومت کے دفعہ 144 کے نفاذ کے نوٹیفکیشن کو کالعدم قرار دے۔