عارف لوہار کا گانا آ تینوں موج کراواں فیفا کے آفیشل پیج کی ذینت بن گیا
Stay tuned with 24 News HD Android App
(24نیوز)پاکستان کے لوک گلوکار عارف لوہار کا گانا فٹ بال کی عالمی تنظیم فیفا نے اپنے ورلڈکپ آفیشل انسٹا گرام پیج پر شئیر کردیا۔
مشہور گلوکار عارف لوہار اور پاکستان میں فٹبال کےمداحوں کو خوشگوار سرپرائز مل گیا، فٹبال کے عالمی تنظیم فیفا نے عارف لوہار کا مشہور گانا ‘ آ تینوں موج کراواں’ اپنے آفیشل انسٹاگرام پیج پر شئیر کردیا،عارف لوہار کے گانے کومشہور فٹبالر میسی کی سالگرہ کے موقع پر شئیر کیا گیا۔
فیفا کے آفشیل پیج پر شئیر کی جانے والی ویڈیو میں میسی کھیل کے دوران اور ورلڈ کپ جیتنے کے مناظر دکھائے گئے ہیں جبکہ پس منظر میں عارف لوہار کا گانا سنائی دے رہا ہے، گانے کے ساتھ اردو میں کیپشن بھی دیا گیا ہے، عارف لوہار کے گانے کی ویڈیو سوشل میڈیا پر وائرل ہوگئی۔
عارف لوہار کے فینز نے گانا شئیر کرنے پرسوشل میڈیا پر خوشی کا اظہار کرتے ہوئے کہا کہ فیفا بھی عارف لوہار کا مداح ہے، ایک اور صارف کا کہنا تھا کہ فیفا عارف لوہار کے گانے کے ذریعے پاکستان میں فٹبال کو پروموٹ کررہا ہے جو کہ اچھی بات ہے۔
یہ بھی پڑھیں: جفا کی اداکارہ سحر خان کو تنقید کا نشانہ کیوں بنایا جارہا ہے؟