(زاہد چودھری) پنجاب کے صوبائی وزیر سپیشلائزڈ ہیلتھ خواجہ سلمان رفیق نےکہا ہے کہ سرکاری ہسپتالوں کے اچانک دورے کرکے حالات کا جائزہ لیا جا رہا ہے،ایم ایس حضرات مریضوں کیلئے آسانیاں پیدا کریں۔ہسپتالوں میں ادویات کی فہرستیں اور ڈیوٹی روسٹرز آویزاں کئے جائیں۔
تفصیلات کے مطابق خواجہ سلمان رفیق نے آج میو ہسپتال کا 4 گھنٹے کا طویل دورہ کیا ، اس موقع پر انہوں نے او پی ڈی میں مریضوں سے ملاقات کی اور طبی سہولیات کا جائزہ لیا۔خواجہ سلمان رفیق نے وزیر اعلیٰ کمپلینٹ کاؤنٹر، پیڈز، آنکولوجی، سی سی ٹی وی روم، میڈیسن سٹور، نیورو سائنسز، بلڈ بنک، کارڈیک و دیگر شعبہ جات کا دورہ کیا۔ایڈیشنل سیکرٹری نے وزیر اعلیٰ کمپلینٹ کاؤنٹر پر موجود رجسٹر میں درج شکایت کنندگان سے رابطہ بھی کیا۔
اس موقع پر وائس چانسلر کنگ ایڈورڈ میڈیکل یونیورسٹی پروفیسر محمود ایاز، سی ای او پروفیسر ہارون حامد، ایم ایس ڈاکٹر احتشام الحق و دیگر بھی پہنچ گئے۔انہوں نے کہا کہ سرکاری ہسپتالوں کے اچانک دورے کرکے حالات کا جائزہ لیا جا رہا ہے۔ ایم ایس حضرات مریضوں کیلئے آسانیاں پیدا کریں۔ہسپتالوں کے روزانہ کی بنیاد پر دورے کئے جا رہے ہیں۔ہسپتالوں میں ادویات کی فہرستیں اور ڈیوٹی روسٹرز آویزاں کئے جائیں۔سرکاری ہسپتالوں کے حالات بہتر کرنے کی پوری کوشش کی جا رہی ہے۔ دورہ کے دوران خواجہ سلمان رفیق نے میو ہسپتال میں ہنگامی اجلاس کی صدارت بھی کی۔صوبائی وزیر صحت نےایم ایس کو صفائی ستھرائی کو یقینی بنانے کی ہدایت۔
یہ بھی پڑھیں:گلوکارہ میگھا نے ویڈیوگانا"آجا ول عیداں آئیاں"ریلیز کردیا