حارث رؤف کو پاکستان نیوزی لینڈ ون ڈے سیریز میں شامل کیے جانے کا امکان

(24نیوز)پاکستان اور نیوزی لینڈ کے درمیان ون ڈے سیریز میں فاسٹ بولر  حارث رؤف کو شامل کیے جانے کا امکان ہے۔

ذرائع کے مطابق فاسٹ بولر حارث رؤف کو نیوزی لینڈ کیخلاف ون ڈے سکواڈ  میں شامل کیے جانے کا امکان ہے، ٹیم مینجمنٹ نے حارث رؤف کو ون ڈے سکواڈ میں شامل کرنے کی درخواست کی ہے۔

ذرائع کا کہنا ہے کہ حارث رؤف کی شمولیت کا قوی امکان ہے، اعلان جلد متوقع ہے، ون ڈے سیریز کیے بیک اپ وکٹ کیپر کے طور پر عثمان خان کی شمولیت کا بھی امکان ہے۔

پاکستان ون ڈے سکواڈ کے 9 کھلاڑی نیپیئر میں موجود ہیں، ون ڈے سکواڈ کے دیگر کھلاڑی اور سپورٹ سٹاف کے اراکین کل ویلنگٹن سے نیپیئر جائیں  گے۔

واضح رہے کہ پاکستان اور نیوزی لینڈ کے درمیان ون ڈے سیریز کا پہلا میچ ہفتہ 29 مارچ کو کھیلا جائے گا۔

یہ بھی پڑھیں:آئی ایم ایف معاہدہ، روپے نے ڈالر کو چاروں شانے چت کردیا