(حاشر احسن)ڈسٹرکٹ اینڈ سیشن کورٹس اسلام آباد نے غیر قانونی اسلحہ اور شراب برآمدگی کیس میں وزیراعلیٰ خیبرپختونخوا علی امین گنڈا پور کے وارنٹ گرفتاری پر رپورٹ پیش نہ کی جا سکی۔
تفصیلات کے مطابق وزیراعلی خیبر پختونخواہ علی امین گنڈا پور کے خلاف اسلحہ و شراب برآمدگی کیس کی سماعت جوڈیشل مجسٹریٹ مبشر حسن چشتی نے کی۔
علی امین گنڈا پور تاحال عدالت پیش نہ ہوئے جبکہ پولیس کی جانب سے ناقابل ضمانت وارنٹ گرفتاری کی تعمیلی رپورٹ بھی پیش نہ کی جا سکی۔
عدالت نے پولیس کی تعمیلی رپورٹ پیش ہونے تک سماعت میں وقفہ کر دیا۔
یہ بھی پڑھیں : وفاقی وزیرداخلہ کا فائرنگ سے شہید سب انسپکٹر کو خراج عقیدت
یاد رہے کہ علی امین گنڈا پور کے خلاف 2016 میں تھانہ بہارہ کہو میں شراب و اسلحہ برآمدگی کا مقدمہ درج کیا گیا تھا۔