ظہیر کے خاندان نے کبھی اسلام قبول کرنے کیلیے نہیں کہا:سوناکشی سنہا
انہوں نے مجھ پراپنا مذہب نہیں تھوپا،یہ بات ہمارے درمیان کبھی زیرِ بحث تک نہیں آئی
Stay tuned with 24 News HD Android App
ویب ڈیسک(خوبروبالی ووڈ اداکارہ سوناکشی سنہا نے ظہیراقبال سے اپنی شادی کے حوالے سے ہونےوالی قیاس آرائیوں اور افواہوں پرتفصیل سے گفتگوکی ہے۔
اداکارہ نے ظہیر اقبال سے شادی کےلیے ان کی جانب سے اسلام قبول کرنے کے مطالبے کے حوالے بات چیت کرتے ہوئے بتایا کہ انہیں ظہیر کے خاندان کی طرف سے کبھی اسلام قبول کرنے کےلیے دباؤ کا سامنا نہیں کرنا پڑا۔
سوناکشی نے ایک انٹرویو میں کہا کہ ان کے والد نامور اداکار شتروگھن سنہا، ان کی شادی کے حامی تھے، لیکن انہوں نے اپنے بھائیوں کی شادی میں عدم موجودگی پر تفصیلات دینے سے گریز کیااور یہ بھی واضح کیا کہ ان کےلیے مذہب کبھی مسئلہ نہیں رہا۔
سوناکشی نے کہاظہیر اور میں مذہب پر توجہ نہیں دے رہے تھے۔ ہم دو ایسے لوگ ہیں جو ایک دوسرے سے محبت کرتے ہیں اور ایک دوسرے سے شادی کرنا چاہتے تھے۔ انہوں نے مجھ پر اپنا مذہب نہیں تھوپا، اور میں نے بھی ان پر اپنا مذہب نہیں تھوپا،یہ بات ہمارے درمیان زیرِ بحث تک نہیں آئی۔
انہوں نےکہاکہ ہم دونوں ایک دوسرے کی ثقافت کا احترام کرتے ہیں۔ ایک دوسرے کی ثقافت کو سمجھتے اور سراہتے ہیں،ہمارے گھر میں کچھ روایات ہیں، میرے گھر میں کچھ۔ وہ میری دیوالی پوجا میں حصہ لیتے ہیں، اور میں ان کے رسم و رواج میں۔ اور بس یہی اہم ہے۔
سوناکشی نے اسپیشل میرج ایکٹ کے بارے میں گفتگوکرتے ہوئے کہاکہ حالات کے پیش نظر شادی کا بہترین طریقہ اسپیشل میرج ایکٹ تھا،جس کے تحت میں، ایک ہندو عورت کے طور پر اپنا مذہب تبدیل کرنے کی پابند نہیں تھی، اور وہ ایک مسلمان مرد کے طور پراپنے مذہب پر قائم رہ سکتے تھے۔ یہ اتنا ہی آسان تھا۔
سوناکشی سنہانے واضح کیا کہ مجھ سے کبھی نہیں پوچھا گیاکہ کیا آپ مذہب تبدیل کریں گی؟‘ ہم ایک دوسرے سے محبت کرتے ہیں، اورہم نے شادی کرلی۔
یہ بھی پڑھیں:اوری نے اروشی روٹیلا کو دھکاکیوں دیا؟وجہ سامنے آگئی
آن لائن افواہوں اور منفی تبصروں کے بارے میں سوناکشی نے بتایا کہ انہوں نے اور ظہیر کے انسٹاگرام کمنٹس کو بند کر دیا تھا تاکہ غیر ضروری تناؤ سے بچا جاسکے۔
واضح رہے کہ سوناکشی سنہا اور ظہیر اقبال نے گزشتہ سال 23 جون کو شادی کی تھی،اس سے پہلے وہ تقریباً سات سال تک ڈیٹنگ کرتے رہے تھے۔