(اویس کیانی)حکومت نے وفاقی کابینہ میں توسیع کرد ی، 13 وفاقی وزرا، 11 وزرائے مملکت نے حلف اٹھا لیا۔
تفصیلات کے مطابق صدر مملکت آصف علی زرداری نے نئے وفاقی وزرا سے حلف لیا،حلف برداری کی تقریب میں وزیراعظم شہباز شریف، چیئرمین سینیٹ یوسف رضا گیلانی، خاتون اول آصفہ بھٹو زرداری بھی موجود تھیں۔
حنیف عباسی، معین وٹو، مصطفیٰ کمال، سردار یوسف، اورنگزیب کچھی، رانا مبشر، رضا حیات ہراج اور طارق فضل چوہدری نے بطور وفاقی وزیر حلف اٹھایا،ان کے علاوہ علی پرویز ملک، شزا فاطمہ، جنید انور، خالد مگسی اور پیر عمران شاہ نے بھی بطور وفاقی وزیر حلف اٹھالیا۔
طلال چوہدری، بیرسٹر عقیل ملک، ملک رشید، ارمغان سبحانی، کھیئل داس کوہستانی، عبدالرحمان کانجو، بلال اظہر کیانی اور مختار بھرت نے بطور وزیر مملکت حلف اٹھایا،ان کے علاوہ شذرہ منصب،عون چودھری، وجیہہ قمر نے بھی بطور وزیر مملکت حلف اٹھالیا۔
ایڈوائزرز میں محمد علی، سید توقیر شاہ اور سابق وزیر اعلیٰ خیبر پختونخوا و وزیر دفاع پرویز خٹک بھی شامل ہے۔
خیال رہے کہ وزراء کی پورٹ فولیوز کا اعلان بعد میں کیا جائے گا۔
یہ بھی پڑھیں: اپوزیشن کی کانفرنس روکنے کیلئے ہوٹل کو تالے، رہنماوں نے دیواریں پھلانگ دیں