مودی کی موجودگی میں طوفان بدتمیزی برپا،تقریب میں لوگ کھانے پر ٹوٹ پڑے، ویڈیو وائرل

(ویب ڈیسک)بھارت کی ریاست مدھیہ پردیش  کے شہر اندور  میں ملکی اور غیر ملکی سرمایہ کاروں کو راغب کرنے کیلئے ہونے والی انویسٹرز سمٹ میں وزیراعظم نریندر مودی کی موجودگی میں لوگ کھانے پر ٹوٹ پڑے جس کی ویڈیو سوشل میڈیا پر وائرل ہوگئی ہے اور لوگوں نے مذاق اڑانا شروع کر دیا ہے۔

انویسٹرز سمٹ میں وزیر اعظم نریندر مودی اور معروف صنعت کار گوتم اڈانی سمیت کئی اعلیٰ حکام موجود تھے، اس دوران غیر متوقع صورتحال پیدا ہوگئی اور لوگ کھانے پر ندیدوں کی طرح ٹوٹ پڑے۔

سوشل میڈیا پر وائرل ہونے والی ویڈیوز میں شرکاء کو پوری اور سبزی کےلیے دھکم پیل کرتے، پلیٹیں گراتے اور ایک دوسرے سے سبقت لے جانے کی کوشش کرتے دیکھا جاسکتا ہے۔ویڈیو پر دلچسپ تبصروں کا سلسلہ شروع ہوگیا اور لوگوں نے اس کا مذاق اڑانا شروع کردیا۔

یہ بھی پڑھیں:رمضان المبارک میں بجلی بل کی عدم ادائیگی پر کنکشن منقطع کرنے پر پابندی