یمنیٰ زیدی ابھی تک سنگل کیوں ہیں؟ اداکارہ نے وجہ بتادی
![یمنیٰ زیدی ابھی تک سنگل کیوں ہیں؟ اداکارہ نے وجہ بتادی](https://www.24urdu.com/digital_images/large/2024-07-27/news-1722055707-3298.jpg)
Stay tuned with 24 News HD Android App
![Get it on Google Play](https://play.google.com/intl/en_us/badges/static/images/badges/en_badge_web_generic.png)
(ویب ڈیسک) پاکستانی شوبز انڈسٹری پر راج کرنے والی باصلاحیت اداکارہ یمنیٰ زیدی نے اتنی شہرت کے باوجود اب تک سنگل رہنے کی وجہ بیان کردی۔
جاندار اداکاری اور پُرکشش شخصیت کی بدولت پاکستان، بھارت اور بنگلادیش سمیت دنیا بھر میں مقبولیت حاصل کرنے والی یمنیٰ زیدی کو شوبز انڈسٹری میں ایک دہائی سے زائد کا عرصہ ہوچکا ہے۔
یمنیٰ زیدی نے اپنے ہر ڈرامے میں مختلف کردار ادا کیا ہے، پھر چاہے وہ کسی سنجیدہ لڑکی کا کردار ہوا یا مزاحیہ، انہی منفرد کرداروں کی بدولت اداکارہ کو دنیا بھر میں شہرت ملی ہے۔
اداکارہ کے مداح جہاں اُن کی اداکاری کو بہت پسند کرتے ہیں تو وہیں اُن کے ذہنوں میں یہ سوال بھی آتا ہے کہ یمنیٰ زیدی اب تک سنگل کیوں ہیں؟، تاہم اب اُنہوں نے بار بار پوچھنے جانے والے اس سوال کا جواب دے دیا ہے۔
سوشل میڈیا کے مختلف پلیٹ فارمز پر یمنیٰ زیدی کی ایک مختصر ویڈیو وائرل ہورہی ہے جس میں اُنہیں اپنے ساتھی اداکار وہاج علی کے ہمراہ اسٹیج پر بیٹھے دیکھا جاسکتا ہے۔
یہ بھی پڑھیں:گیس بند رہے گی
میڈیا رپورٹس کے مطابق مذکورہ ویڈیو یمنیٰ زیدی اور وہاج علی کے امریکی دورے کی ہے، ٹی وی اسکرین کی یہ مقبول جوڑی اگست تک امریکا کے مختلف شہروں کا دورہ کرے گی۔
یمنیٰ زیدی نے کہا کہ میں ایک سخت مزاج خاتون ہوں اور مجھے خود بھی نہیں معلوم کہ میری شخصیت ایسی کیوں ہے، اداکارہ نے کہا کہ میں اپنی سخت مزاج شخصیت کی وجہ سے ابھی تک سنگل اور غیرشادی شدہ ہوں۔
اُنہوں نے مزید کہا کہ مجھے معلوم ہے کہ یہ سنگل ہونے کی عجیب وجہ ہے لیکن میں اپنی زندگی میں تنہا بہت خوش ہوں۔