دپیکا پڈوکون کے اثاثوں کی مالیت 500 کروڑ روپے تک پہنچ گئی
Stay tuned with 24 News HD Android App
(24 نیوز ) بالی ووڈ کی مشہور اداکارہ دپیکا پڈوکون اپنی خوبصورتی اور بہترین اداکاری کے باعث انڈسٹری میں اپنی الگ پہچان رکھتی ہیں ، یہی وجہ ہے کہ ان کے چاہنے دنیا بھر میں ہیں ،جن کی تعداد کروڑوں میں ہے ، کچھ عرصہ قبل خبر آئی تھی کہ انہوں نے اپنے معاوضے میں اضافہ کر دیا ہے ایک اندازے کے مطابق وہ ایک فلم کا 15 سے 20 کروڑ روپے چارج کرتی ہیں ۔
حیران کن طور پر بھارتی میڈیا کی جانب سے دعویٰ کیا گیا ہے کہ دیپیکا پڈوکون کے اثاثوں کی مالیت 500 کروڑ بھارتی روپوں تک پہنچ چکی ہے، رپورٹ میں بتایا گیا کہ دیپیکا پڈوکون نے گزشتہ سال اپنی سالانہ فیس میں اضافہ کیا تھا جس کے بعد اب اُن کی سالانہ فیس 112.8 کروڑ ہوگئی ہے، دیپیکا پڈوکون کا شمار بالی ووڈ کی اُن شخصیات میں ہوتا ہے جو سب سے زیادہ ٹیکس ادا کرتی ہیں، اداکارہ نے سال 2016 سے 2017 میں 10 کروڑ بھارتی روپے کا ٹیکس ادا کیا تھا۔
اداکاری کے علاوہ، دیپیکا پڈوکون مختلف برانڈز کے لیے ماڈلنگ بھی کرتی ہیں، وہ ایک برانڈ کی تشہیر کے لیے 8 کروڑ روپے معاوضہ لیتی ہیں،اداکارہ ممبئی کی مہنگی ترین عمارت کے اپارٹمنٹ کی مالکن بھی ہیں جبکہ سال 2021 میں دیپیکا پڈوکون اور اُن کے شوہر رنویر سنگھ نے ممبئی کے ساحلی علاقے میں 22 کروڑ روپے کا اپنا بنگلہ خریدا تھا،بھارتی میڈیا کی رپورٹ میں مزید بتایا گیا کہ دیپیکا پڈوکون مختلف شعبوں میں سرمایہ کاری کرکے بھی پیسہ کما رہی ہیں۔
یہ بھی پڑھیں : 126 یونٹس کا ڈیڑھ لاکھ بل ،شہری عدالت پہنچ گیا
دپیکا کے انسٹا گرام پر 80 ملین کے قریب فالوورز ہیں , ٹائمز آ ف انڈیا کے مطابق وہ ایک پوسٹ کا 2 کروڑ بھارتی روپے چارچ کرتی ہیں ،