(24 نیوز)ٹی 20 ورلڈکپ میں اپنی بہترین پرفارمنس سے دنیا کو حیران کرنے والی افغانستان کرکٹ ٹیم کو سیمی فائنل میں جنوبی افریقہ کے ہاتھوں بد ترین شکست کا سامناکرناپڑا۔
تفصیلات کے مطابق ٹی 20ورلڈکپ کے پہلے سیمی فائنل میں جنوبی افریقہ نے آؤٹ کلاس پرفارمنس کا مظاہرہ کیا اور افغانستان کرکٹ ٹیم کو صرف 56 رنز پر ڈھیر کر دیا جبکہ خود 57 رنز کا ہدف صرف ایک وکٹ کے نقصان پر 8.5 اوورز میں حاصل کر لیا ،بدترین شکست کے بعد افغان ٹیم کے کپتان راشد خان کا کہنا ہے کہ ہم شاید بہتر کرسکتے تھے لیکن حالات نے اجازت نہیں دی جو ہم کرنا چاہتے تھے، ٹی ٹوئنٹی فارمیٹ میں آپ کو تمام حالات کے بارے میں تیار رہنا پڑتا ہے۔افغان کپتان نے کہا کہ ہم نے اس ٹورنامنٹ میں اچھی بولنگ کی، ہمارے فاسٹ بولرز کی اچھی کارکردگی کی وجہ سے اسپنرز کا کام آسان ہو گیا۔
یہ بھی پڑھیں : چاہت فتح علی خان کے گانے ’بدو بدی‘ کو دوسری زندگی مل گئی