پنجاب کابینہ کا اجلاس آج ساڑھے11 بجے طلب
Stay tuned with 24 News HD Android App
(ویب ڈیسک) پنجاب کابینہ کا اجلاس آج ساڑھے11 بجے طلب کرلیا گیا۔
اجلاس میں بینک آف پنجاب کے صدرکی دوبارہ تقرری کی منظوری لی جائے گی، ایف آئی آر، روزنامچہ اور کیس ڈائری کو ڈیجیٹل کرنے کی منظوری بھی ایجنڈے کا حصہ ہے۔
پنجاب کابینہ اجلاس میں معذور، بزرگ اور طلبا کے لیے ماس ٹرانزٹ منصوبے میں مفت سفری سہولت اور والڈ سٹی اتھارٹی کا دائرہ کار پورے صوبے تک وسیع کرنے کی منظوری بھی لی جائے گی۔
اجلاس میں اسپورٹس بورڈ کے آئین میں ترامیم، چاول کی پہلے کاشت پر پابندی بھی ایجنڈے میں شامل ہے،اس کے علاوہ وی وی آئی پیز کی ڈیوٹی کے لیے جیمرز کی منظوری بھی ایجنڈے کا حصہ ہے۔
یہ بھی پڑھیں:جعفر ایکسپریس 16 روز بعدپشاور سے کوئٹہ کے لیے روانہ ہوگئی
رمضان نگہبان پروگرام 2025 کی منظوری، سرکاری کالونیوں میں سی سی ٹی وی کیمروں کی تنصیب، سرکاری ہیلی کاپٹر ایم آئی 17 کے انجن کی اوور ہالنگ اوروائس چانسلرزکی تنخواہوں میں اضافے کی منظوری بھی آج کے اجلاس کے ایجنڈے میں شامل ہے۔