(ویب ڈیسک)نومنتخب امریکی صدر ڈونلڈ ٹرمپ کی بہو لارا ٹرمپ نے سینیٹ کا حصہ نہ بننے کا اعلان کر دیا۔
لارا ٹرمپ نے کہا ہے کہ وہ اگلے سال جنوری میں ایک بڑا اعلان کریں گی جس کی فی الحال وہ تفصیل نہیں بتائیں گی۔
غیر ملکی میڈیا کے مطابق لارا ٹرمپ نے رواں ماہ ریپبلکن نیشنل کمیٹی (آر این سی) کی شریک چیئرسن کے عہدے سے استعفیٰ دے دیا تھا جس کی وجہ سے امکان ظاہر کیا جا رہا تھا کہ وہ مارکو روبیو کی سینیٹ میں جگہ لے سکتی ہیں جو فلوریڈا سے ریپبلکن سینیٹر تھے،مارکو روبیو کو ڈونلڈ ٹرمپ نے امریکہ کا وزیرِ خارجہ نامزد کیا ہے۔
یہ بھی پڑھیں:اسرائیل طاقت کے نشہ میں اندھا، غزہ میں شدید بمباری، 50 فلسطینی شہید
ایک سوشل میڈیا پلیٹ فارم پر لارا ٹرمپ نے بتایا کہ انہوں نے اپنا نام ممکنہ طور پر سینیٹ میں شمولیت سے ہٹا لیا ہے کیونکہ بہت سے زبردست لوگوں نے ان کی آگے کے لیے حوصلہ افزائی کی ہے۔