مراٹھی فلم انڈسٹری کی معروف اداکارہ حادثے کا شکار ہوگئیں
Stay tuned with 24 News HD Android App
(ویب ڈیسک)بھارت میں مراٹھی فلم انڈسٹری کی معروف اداکارہ خطرناک حادثے کا شکار ہوگئیں۔
بھارتی میڈیا کے مطابق ممبئی میں پوسار میٹرو اسٹیشن کے قریب میٹرو پروجیکٹ پر کام کرنے والے مزدوروں کو بھارتی اداکارہ کی کار نے کچل دیا۔
ممبئی پولیس کے مطابق کاندیولی میں مراٹھی فلموں کی اداکارہ کی کار کی زد میں آکر ایک مزدور ہلاک اور دوسرا شدید زخمی ہوگیا جبکہ شوٹنگ سے واپس آنے والی اداکارہ اور کار ڈرائیور کو بھی چوٹیں آئیں۔
بھارتی میڈیا کے مطابق اداکارہ ارمیلا کوٹھاری جمعہ کی رات شوٹنگ مکمل کرنے کے بعد گھر لوٹ رہی تھیں جب ان کے ڈرائیور سے کار بے قابو ہوکر پوسار میٹرو اسٹیشن کے قریب میٹرو پروجیکٹ پر کام کرنے والے مزدوروں پر چڑھ گئی۔
پولیس کے ایک بیان میں کہا گیا ہے کہ بے قابو کار نے دو مزدوروں کو ٹکر ماری جس میں ایک مزدور کی موقع پر ہی موت واقع ہوگئی جبکہ دوسرے کو ہسپتال میں داخل کرایا گیا ہے، کار ڈرائیور کو بھی شدید چوٹیں آئیں لیکن حادثے کے وقت کار کے ایئر بیگ بروقت کھلنے کی وجہ سے اداکارہ زیادہ زخمی ہونے سے محفوظ رہیں۔
یہ بھی پڑھیں:سلمان خان کی 59ویں سالگرہ پرکترینہ کیف کا پیغام وائرل
پولیس کے مطابق حادثہ تیررفتاری کے باعث پیش آیا،ڈرائیور کے خلاف تیز رفتار ڈرائیونگ اور لاپرواہی سے موت کا باعث بننے سمیت دیگر دفعات کے تحت مقدمہ درج کرلیا گیا ہے۔