’’اب جانے کا وقت آگیا‘‘:امیتابھ بچن نے اپنی ٹویٹ کی وضاحت کردی

 (ویب ڈیسک)بالی ووڈ کے شہنشاہ امیتابھ بچن نے اپنے پراسرار ٹویٹ"اب جانے کاوقت آگیا"پرمداحوں کی تشویش کے بعد اس کی وضاحت کردی۔ 

بگ بی کا ایک ادھورا ٹویٹ "Time to go" وائرل ہوا تھا جس کے فوراً بعد ہی امیتابھ بچن کی ریٹائرمنٹ کی افواہوں نے جنم لیا تھا۔

اس ٹویٹ کے بعد کچھ لوگوں کاخیال تھاکہ شاید بالی وڈ کے شہنشاہ فلموں اور "کون بنے گا کروڑ پتی"سے ریٹائرمنٹ لے رہے ہیں جبکہ کچھ کو ان کی صحت کے بارے میں فکرہورہی تھی اورانہوں نے  بگ بی سے وضاحت کی درخواست کی تھی۔

شو کے ایک پرومو میں، امیتابھ بچن نے ایک مداح کی ڈانس کرنے کی درخواست پر مزاحیہ انداز میں کہا"کون ناچے گا؟ ارے بھائی صاحب، ہمیں نچانے کےلیے یہاں نہیں رکھا گیا ہے" یہ سن کر پورا اسٹوڈیو قہقہوں سے گونج اٹھا،پھر بات ان کے ٹویٹ پر آگئی تو ایک مداح نے پوچھاکہ Time to go کا کیا مطلب ہے؟

بگ بی نے اپنے مخصوص انداز میں جواب دیاکہ اس میں ایک لائن تھی،"جانے کا وقت آگیا ہے".. تو کیا اس میں کوئی خرابی ہے؟، ان کا یہ جواب سن کر اسٹوڈیو میں موجود لوگوں کی بے چینی دور ہوگئی۔

ایک اور مداح نے تجسس سے پوچھا"کہاں جانا ہے؟" تو امیتابھ نے اپنے مخصوص انداز میں کہا"جانے کا وقت آگیا ہے مطلب..." لیکن ان کی بات مکمل ہونے سے پہلے ہی پورے اسٹوڈیو نے یک زبان ہو کر کہا"آپ یہاں سے کہیں نہیں جا سکتے۔"

بالآخر بگ بی نے تمام افواہوں کو ختم کرتے ہوئے وضاحت کردی کہ  ارے بھائی صاحب، ہمیں کام پر جانے کا وقت آگیا ہے، تم لوگ کیا بات کرتے ہو یار اور رات کو جب 2 بجے یہاں سے چھٹی ملتی ہے، تو گھر پہنچتے پہنچتے 1-2 بج جاتے ہیں۔ وہ لکھتے لکھتے ہمیں نیند آ گئی، تو وہیں رک گیا" جانے کا وقت اور ہم سوگئے"

یہ بھی پڑھیں:سلمان خان کی ایکشن فلم "سکندر" کا دھماکے دار ٹیزرآگیا

امیتابھ بچن کی اس وضاحت پر مداحوں کی جانب سےمختلف تبصرے کیے جارہے ہیں،ایک صارف نے لکھا"’امیتابھ بچن کا حسِ مزاح ہی انہیں ایک لیجنڈ بناتا ہے"۔