(ویب ڈیسک)بالی ووڈ کے سپراسٹار گووندا اور ان کی اہلیہ سنیتاآہوجا کے درمیان طلاق کی خبریں زیرِ گردش ہیں جبکہ سنیتا آہوجا کے وکیل نے انکشاف کیا ہے کہ سنیتا نے 6 ماہ قبل ہی اداکار سے طلاق کے لیے عدالت سے رجوع کرلیا تھا۔
بھارتی میڈیا رپورٹس کے مطابق گووندا ماضی میں دوسری شادی کرنے کا عندیہ دے چکے ہیں،اب ان کا ایک انٹرویو سوشل میڈیا کی زینت بنا ہوا ہے جس میں وہ یہ دعویٰ کررہے ہیں کہ ہوسکتا ہے میں دوسری شادی کرلوں کیونکہ یہ میری کُنڈلی میں ہے۔
اسٹارڈسٹ کے ساتھ ایک انٹرویو میں گووندا نے بتایا تھا کہ وہ کس طرح ساتھی اداکارہ نیلم کے ساتھ پیار کرتے ہیں،اس انٹرویومیں گووندا نے یہ بھی انکشاف کیا تھا کہ انہوں نے سنیتا سے شادی اپنے وعدے کو نبھانے کے لیے کی تھی، نہ کہ محبت سے کی۔
گووندا نے کہا تھا کہ مستقبل کون جانتا ہے، ہوسکتا ہے مجھے دوبارہ کسی سے محبت ہوجائے اور ہو سکتا ہے کہ میں اس سے شادی کرلوں لیکن سنیتا کو اس کے لیے تیار رہنا چاہیے، تب ہی میں آزاد محسوس کروں گا۔
یہ بھی پڑھیں:’’اب جانے کا وقت آگیا‘‘:امیتابھ بچن نے اپنی ٹویٹ کی وضاحت کردی
گووندا نے ساتھی اداکارہ جوہی چاولہ اور دیویا بھارتی کے لیے بھی پسندیدگی کا اظہار کرتے ہوئے کہا تھا کہ یہ ایسی خواتین ہیں جن کے لیے مشکل ہے کہ کوئی لڑکا محبت میں گرفتار ہونے سے بچ سکے۔