(24نیوز)سعودی عرب میں رمضان المبارک 1446 ہجری کا چاند نظر آگیا۔
سعودی میڈیا کے مطابق رمضان کا چاند دیکھنے کیلئے مکہ، مدینہ، تبوک،سدیر سمیت دیگرشہروں کی آبزرویٹری میں اجلاس ہوئے جس میں محکمہ موسمیات اور فلکیات کے ماہرین نے شرکت کی،سعودی میڈیا میں بتایا گیا ہے کہ سعودی عرب کے علاقوں سدیر اور تمیر میں چاند نظر آیا۔
رمضان کا چاند نظر آنے کے بعد سعودی عرب میں کل یکم مارچ کو پہلا روزہ ہوگا، سعودی سپریم کورٹ نے بھی رمضان المبارک کا چاند دیکھنےکی تصدیق کردی جس کے بعد شاہی دیوان نے فرمان بھی جاری کردیا۔
دوسری جانب ملائیشیا میں اتوار 2 مارچ کو پہلا روز ہوگا جبکہ انڈونیشیا میں ہفتہ یکم مارچ کو پہلا روز رکھنے کا اعلان کیا گیا ہے،عرب میڈیا کے مطابق آسٹریلیا میں مفتی اعظم ڈاکٹر ابراہیم نے اپنے بیان میں کہا کہ آسٹریلیا میں ہفتہ یکم مارچ کو پہلا روزہ ہوگا،برونائی دارالسلام میں رمضان کا چاند نظر نہیں آیا، اس لیے وہاں پہلا روزہ اتوار 2 مارچ ہوگا۔
یہ بھی پڑھیں : رویت ہلال کمیٹی کا اجلاس ختم ، بڑا اعلان سامنے آ گیا