انٹرنیشنل کرکٹ کونسل کےCEO جیف آلڈرائس اپنے عہدے سے دستبردار

(محمد حماد) انٹرنیشنل کرکٹ کونسل کے چیف ایگزیکٹو آفیسر   جیف آلڈرائس اپنے عہدے سے دستبردار ہوگئے۔آئی سی سی کے چیئرمین نے جیف آلڈرائس کے مستعفی ہونے پر ان کی خدمات پر  خراج تحسین پیش کیا۔
رپورٹ کے مطابق  آئی سی سی کے سی ای او   جیف آلڈرائس اپنے عہدے سے دستبردار ہو گئے ،آئی سی سی کے چیئرمین جے شاہ نے جیف آلڈرائس کے مستعفی ہونے پر ان کی خدمات پر خراج تحسین پیش کیا ۔جے شاہ کا کہنا تھا کہ  جیف آلڈرائس نے دنیا بھر میں کرکٹ کے فروغ میں اہم کردار ادا کیا، اس پر ہم ان کے تہہ دل سے شکر گزار ہیں اور ان کے مستقبل کے ارادوں کے حوالے سے نیک تمنا رکھتے ہیں۔

یاد رہے کہ جیف آلڈرائس کو پہلی بار 2012 میں آئی سی سی کا جی ایم کرکٹ مقرر کیا گیا تھا۔ نومبر 2021 میں انہیں آئی سی سی کا سی ای او مقرر کیا گیا تھا، اس سے قبل وہ 8 ماہ سے قائم مقام سی ای او کے طور پر کام کر رہے تھے۔آئی سی سی سے قبل جیف آلڈرائس کرکٹ آسٹریلیا میں کرکٹ آپریشنز منیجر کی حیثیت سے خدمات سرانجام دے رہے تھے۔

یہ بھی پڑھیں:لڑکی کی نازیبا تصاویر منگیتر کو بھیجنے والے ملزم کو 6 سال قید اور  بھاری جرمانہ