(ویب ڈیسک)اداکارہ اور سوشل میڈیا انفلوئنسر میرب علی سے ہانیہ سے متعلق سوال پر صحافی و مصنف ریحام خان نے اداکار و میزبان علی سفینہ کو آڑے ہاتھوں لے لیا۔
فوٹو اینڈ ویڈیو شیئرنگ پلیٹ فارم انسٹاگرام پر ریحام خان نے ویڈیو شیئر کر کے ناصرف اپنے خیالات کا اطہار کیا ہے بلکہ علی سفینہ کے سوال پراظہار برہمی بھی کیا ہے۔
حال ہی میں ایک پوڈ کاسٹ میں میرب علی مہمان تھیں، دورانِ گفتگو میزبان نے اچانک میرب سے سوال کیا کہ کیا عاصم اظہر آپ کے لیے گانے گاتے ہیں؟ اس سے پہلے کہ وہ کوئی جواب دیتیں، میزبان علی سفینہ نے مذاق میں گانے کے بول گنگنائے اور کہا کہ جیسے او ہانیہ وے دل جانیا؟،یہ سن کر میرب علی حیران رہ گئیں لیکن انہوں نے اس بات کو نظر انداز کر دیا
اب ریحام خان نے اس حوالے سے ویڈیو پیغام جاری کرتے ہوئے صارفین سے سوال کیا ہے کہ کیا علی سفیہ کا میرب علی کے ساتھ یہ طریقہ کار ٹھیک تھا؟
سوشل میڈیا پر شیئر کردہ ویڈیو پیغام میں ریحام خان نے کہا کہ ایک ویڈیو کلپ کافی وائرل ہو رہا ہے، جس میں ایک کم عمر لڑکی جو شاید ماڈل اوراداکارہ ہیں، لیکن ان کے جو پارٹنر ہیں یا منگیتر ہیں وہ ان کے جتنی مشہور نہیں ہیں۔ اب اگر انٹرویو میں لڑکا بیٹھا ہوتا تو کوئی بات نہیں تھی لیکن ایک بچی کو اس کے پارٹنر کی سابقہ محبت یا ان کے ماضی کے کسی رومانوی قصے کا ذکر کر کے ان کمفرٹیبل محسوس کروایا جائے تو یہ کہیں سے بھی مزاحیہ یا ہنسنے کی بات نہیں ہے.
یہ بھی پڑھیں:فرشی شلوار اور شارٹ قمیض: عیدالفطرپرخواتین کی اکثریت کا پہلا انتخاب
ریحام خان کے مطابق ایک لڑکی سے اس طرح کے سوال کرنا انہتائی گھٹیا فعل ہے اور جس نے ایسا سوال کیا وہ کوئی اتنے چھوٹے نہیں تھے کہ انہیں معلوم نہ ہو کہ کیا کر رہے ہیں، آپ نئی نسل کو جو سبق دے رہے ہیں وہ غلط ہے اگر یہ سوال کسی تیسرے کے بجائے، جس کا اس سے تعلق ہی نہیں ہے، اس لڑکے سے براہِ راست پوچھا ہوتا تو پھر بھی قابلِ قبول تھا،ماضی میں بھی دیگر لوگوں کے ساتھ یہ سب ہو چکا ہے، میں نے بھی یہ سب برداشت کیا ہے لیکن براہِ کرام نوجوان نسل کے ساتھ ایسا نہیں کریں، ان کو سچا رہنے دیں، اپنے جیسا نہ بنائیں۔