طارق فاطمی کیUNO جنرل اسمبلی کے صدر سے ملاقات،کشمیر، فلسطین اور سلامتی کونسل اصلاحات پر تبادلۂ خیال

(انور عباس)معاون خصوصی طارق فاطمی نے اقوامِ متحدہ جنرل اسمبلی کے صدر سے ملاقات کی جس میں کشمیر، فلسطین اور سلامتی کونسل اصلاحات پر تبادلۂ خیال کیا گیا۔

پاکستانی مستقل مشن کے مطابق معاونِ خصوصی طارق فاطمی نے آج نیویارک میں اقوامِ متحدہ جنرل اسمبلی کے صدر فیلمن یانگ سے ملاقات کی,معاونِ خصوصی نے اس بات پر زور دیا کہ گزشتہ سال منظورشدہ "پیکٹ فار دی فیوچر(مستقبل کا معاہدہ) عالمی تعاون کی بحالی میں معاون ثابت ہوگا, انہوں نے ترقی، مالیاتی قرضوں اور بین الاقوامی مالیاتی نظام میں اصلاحات پر پاکستان کے دیگر ترقی پذیر ممالک کے ساتھ مل کر کام کرنے کے عزم کو اجاگر کیا,انہوں نے جنرل اسمبلی کے صدر کو سلامتی کونسل کے غیر مستقل رکن کے طور پر پاکستان کی ترجیحات سے آگاہ کیا۔

معاونِ خصوصی نے زور دیا کہ پاکستان ایک زیادہ جمہوری، نمائندہ، جوابدہ اور شفاف سلامتی کونسل کی حمایت کرتا ہے، جسے اتفاقِ رائے اور وسیع البنیاد عمل کے ذریعے تشکیل دیا جائے، جو اقوامِ متحدہ کے تمام رکن ممالک کی وسیع ترین حمایت حاصل کرے۔طارق فاطمی نے مزید کہا کہپاکستان کا ماننا ہے کہ "یونائٹنگ فار کنسینس" (UfC) گروپ کی تجویز سب سے بہتر آپشن ہے, اس تجویز کے تحت مساوی جغرافیائی نمائندگی کے ساتھ مزید غیر مستقل اراکین کا اضافہ کیا جائے،یہ اراکین انتخابی عمل کے ذریعے جوابدہ ہوں۔معاونِ خصوصی نے اقوامِ متحدہ کی جنرل اسمبلی کے صدر کو بھارت کے زیرِ قبضہ جموں و کشمیر اور کشمیری عوام کو حقِ خودارادیت سے محروم رکھنے کے بارے میں بھی آگاہ کیا, معاونِ خصوصی آگاہ کیا کہ پوری پاکستانی قوم اسرائیل کی جانب سے نہتے فلسطینیوں کے خلاف اندھا دھند اور غیر متناسب طاقت کے استعمال پر شدید غم و غصے کا اظہار کر رہی ہے, پاکستان، فلسطین جنگ بندی معاہدے کے تمام مراحل پر عملدرآمد کا مطالبہ کرتا ہے, مشرقِ وسطیٰ میں پائیدار امن کا قیام صرف ایک آزاد فلسطینی ریاست کے قیام کے ذریعے ممکن ہے۔

اس ملاقات کےموقع پر اقوامِ متحدہ جنرل اسمبلی صدر فیلمن یانگ نےاقوامِ متحدہ کے کام میں پاکستان کی حمایت کو سراہتےہوئے معاونِ خصوصی کا شکریہ ادا کیا۔

یہ بھی پڑھیں:سلمان خان نے سستی شہرت کیلئے رام مندر والی گھڑی پہن لی،مولانا شہاب نے فعل حرام قرار  دیدیا