ٹرمپ نے ریٹائرڈ جنرل کیتھ کیلوگ کو روس اور یوکرین کیلئے مندوب مقرر کردیا

(ویب ڈیسک) نومنتخب امریکی صدر ڈونلڈ ٹرمپ نے ریٹائرڈ جنرل کیتھ کیلوگ کو روس اور یوکرین کے لیے مندوب مقرر کردیا۔

امریکی میڈیا کے مطابق کیتھ کیلوگ نے روس یوکرین جنگ ختم کرنے کا منصوبہ پیش کیا تھا۔

واضح رہے کہ بین الاقوامی خبر رساں ادارے کی رپورٹ کے مطابق گزشتہ دنوں ٹرمپ نے ”امریکہ فرسٹ پولیٹکس” انسٹی ٹیوٹ کے لیے فلوریڈا میں اپنی حویلی میں منعقدہ گالا پروگرام سے خطاب کیا۔

اس خطاب میں اُنہوں نے کہا کہ ہم روس اور یوکرین پر بہت زیادہ محنت کریں گے، اس چیز کو اب نکتہ پذیر کیا جانا چاہیے، روس اور یوکرین کے درمیان جنگ کو اب ختم ہونا چاہیے۔

یہ بھی پڑھیں : پنجاب فلم سنسر بورڈ نے ہالی وڈ فلم ’موآنا‘پاس کر دی

دوسری جانب جرمن چانسلر اولاف شولز کا روس کے صدر پیوٹن سے دو برس بعد ٹیلی فونک رابطہ ہوا جسے یوکرین جنگ کے محاذ امن کی جانب اہم پیشرفت قرار دیا گیا۔

رپورٹ کے مطابق روس کے صدر پیوٹن کا کہنا تھا کہ انہوں نے مذاکرات سے کبھی انکار نہیں کیا، تاہم یوکرین نے اس میں ہمیشہ رکاوٹ ڈالی۔